Popular Bible Verses from 2 Corintenji 4

Share

Iarã noi nu tsãnem mutrita cãtrã atseali tsi s-ved, ma cãtrã atseali tsi nu s-ved, cã atseali tsi s-ved suntu tricãtoari, iarã atseali tsi nu s-ved, suntu di totãna.

Trã atsea, noi nu chirem curaiul. Macã omlu a nostru atsel di nafoarã ma s-aspardzi, omlu a nostru atsel di nãuntru ma s-rinoeashti dzuã dupã dzuã. Cã criparea a noastrã atsea lishoarã di tora, adutsi trã noi, unã greutati eternã di mãriri, fãrã di mizurã.

Tu itsido noi him zorisits, ma nu mãchilipsits, him cihtisits, ma nu nvirinats, him priaĝunits, ma nu apãrãsits, him cãdzuts nghios, ma nu pustuxits.

Ma noi u-avem aestã ayishteari tu vasi di lut cu nãeti tra s-aspunã cã easti fuchia atsea marea a Dumnidzãlui, sh-nu a-noastrã.

Dumnidzãlu a etiljei aishtei li urghi mintili a nipistimenjilor, tra s-nu veadã lunjina a evanghelui a mãririljei a Hristolui cai easti icoana a Dumnidzãlui.

Cã Dumnidzãlu tsi dzãsi: “Di la scutidlu va strãlutseascã lunjinã,” easti elu cai strãlutsi ininjli a noastri tra s-nã da lunjina a cunushteariljei a mãririljei a Dumnidzãlui tu fatsa a Hristolui.