Popular Bible Verses from Men Pilipi 2

Share

O der aklemai o der wia meakot ni aklapalap a ni karakarak, amen en kakaki amen mo a. Amen amen ender apwali pein a dipisou kan, a amen amen en apwali en akai ar dipisou.

Pwe i tiak en mi re omail, me pil mi ren Iesus Kristus.

Me mom en Kot, ap sota men ale ong pein i en dueta Kot. Ap akamaleki pein i o wiala ladu men o song en aramas akan. O kotin sansaleda ni mom en aramas, o kasapwilidi pein i, o ni a kotin peiki ong lel mela, ei lel mela ni lopu.

Pwe Kot me kotin wiada karos nan lol omail: Inong o kapwaiada duen kupur a.

Nan i me Kot kotin kasapwilada i wasa ileile, o kotiki ong i mar eu, sikida sang mar karos. Pwe karos en kelepukidi ni mar en Iesus, me mi nanlang o nin sappa o pan sappa. O lo karos en kadedeki, me Iesus Kristus me Kaun pwen kalinganada Kot Sam.

Komail wiada meakaros so, lipanede o so peikasal. Pwe komail en pung o melel o seri en Kot akan, me so lol riapot nan pung en di sued o sapung, me komail ser sansal nan pung arail, dueta ser en sappa kan.

Ari kompoke pai kan, duen omail okoke kokodo, kaidin ni omail wokaren ia do, a me sikidar ansau wet ni ai doo, en pere ki, o lomwiniki kadokedoke kamaur pamail.