Popular Bible Verses from رومیوں 5

Share

پر خُدا ساڈے اُتے آپنڑی محبت اِینویں ظاہر کیتی جو جِیں ویلے اساں گُنہگار ای ہسے تاں مسیح ساڈی خاطر آپنڑی جان ڈِتی۔

ایجھی اُمید ساکُوں مایوس نئیں کریندی کیوں جو رُوح القُدس جیہڑا ساکُوں بخشیا گِیا ہے اُوں ساڈے دِلاں کُوں خُدا دی محبت نال بھر ڈِتے۔

تے صرف اِیہو نئیں بلکہ اساں مُصیبتاں ءچ خوش تھیندے ہیں کیوں جو اساں جانڑدے ہیں جو مُصیبت نال صبر پیدا تھیندے، تے صبر نال مُستقل مزاجی تے مُستقل مزاجی نال اُمید پیدا تھیندی ہے۔

بس جِیں ویلے اساں اِیمان دی وجہ کنُوں راستباز کھڑائے گئے تاں خُداوند یسُوع المسیح دے وسیلے ساڈی خُدا دے نال صُلح ہے۔ یسُوع دے وسیلے ساکُوں اِیمان دے سببّوں او فضل حاصل تھیّا جیندے اُتے اساں قائم وی ہیں، تے اساں خُدا دے جلال دی اُمید اُتے خوش ہیں۔

کیوں جو جِیں ویلے اساں سارے بے وس ہسے تاں مسیح عین موقع تے اساں بدکاراں کیتے آپنڑی جان ڈِتی۔

جڈاں مسیح دے خون دے وسیلے نال اساں راستباز کھڑائے گئے تاں ایہ گالھ زیادہ یقینی ہے جو اساں اُوندے وسیلے خُدا دے عذاب تُوں بچ ویسوں۔

کیوں جو جِینویں ہِک بندے دی نافرمانی دے سببّوں بہُوں سارے لوک گُنہگار بنڑ گئے، اُونویں ای ہِک بندے دی فرمانبرداری دے سببّوں بہُوں سارے لوک راستباز کھڑائے ویسن۔

تے نہ صرف ایہ بلکہ اساں آپنڑے خُداوند یسُوع المسیح دے ذریعے خُدا اُتے فخر کریندے ہیں جیندے وسیلے ساڈی خُدا نال صُلح تھی گئی ہے۔