Popular Bible Verses from رومیوں 14

Share

کیوں جو خُدا دی بادشاہی کھاوݨ پِیوݨ دے بارے ءچ نئیں بلکہ راستبازی، میل مِلاپ تے اُوں خوشی دے بارے ءچ ہے جیہڑی رُوح القُدس دی طرفوں مِلدی ہے۔ جیہڑا کوئی اِینویں مسیح دی خدمت کریندے اُونکُوں خُدا پسند کریندے تے او لوکاں ءچ مقبول ہے۔

جے اساں زندہ ہیں تاں خُداوند دی خاطر زندہ ہیں، تے جے مردے ہیں تاں خُداوند دی خاطر مردے ہیں، اِیں واسطے بھانویں اساں زندہ راہوں یا مرُوں، اساں خُداوند ای دے ہیں۔

آؤ اساں اُنہاں گالھیں دے طالب راہوں جیہڑیاں میل مِلاپ تے آپس دی ترقی دا سبب ہِن۔

اِیں واسطے اساں ہِک ڈُوجھے اُتے اِلزام نہ لاؤں بلکہ دل ءچ اِرادہ کر گِھنوں جو آپنڑے بِھرا دے سامنڑے ایجھی کوئی چیز نہ رکھوں جیہڑی اُوندے کیتے تُھڈا کھاوݨ یا ڈھاوݨ دا سبب ہووے۔

جِینویں لِکھیا ہے جو ”خُداوند فرمیندا ہے میکُوں آپنڑی حیات دی قَسم میڈے سامنڑے ہر ہِک گوڈا جُھکسی تے ہر ہِک زبان خُدا دا اِقرار کریسی۔“ بس ساڈے ءچوں ہر ہِک کُوں خُدا دے سامنڑے آپنڑا حساب ڈیونڑا پوسی۔

کمزور اِیمان آلے کُوں آپنڑے ءچ شامل تاں کر گِھنو پر جِینکُوں او صحیح یا غلط سمجھدے اُوندے بارے ءچ تکرار نہ کرو۔

تُوں کوݨ ہیں جو کہیں ڈُوجھے دے نوکر اُتے اِلزام لاویں؟ او قائم ہے یا ڈھٹھا پِیا ہے، اُوندے مالک دا فیصلہ ہے۔ بلکہ او قائم کیتا ویسی کیوں جو خُداوند اُونکُوں قائم کرݨ اُتے قادر ہے۔