Popular Bible Verses from اعمال 17

Share

خُدا ایہ سبھ کُجھ کیتا، تاں جو او اُونکُوں گولھنڑ تے اُوندے نیڑے آ تے اُونکُوں پا گِھننڑ، بھانویں او ساڈے ءچوں کہیں کنُوں دُور نئیں۔

اُوں ہِک بندے ءچوں لوکاں دی ہر قوم کُوں پیدا کیتا تاں جو پُوری زمین آباد تھیوے، تے اُوں اُنہاں دی زندگی دا وقت تے راہنڑ کیتے حد بندی مقرر کیتی۔

جِیں خُدا دُنیا تے اُوندے سارے چیزاں کُوں پیدا کیتا او اسمان تے زمین دا مالک ہے۔ او ہتھ دے بنڑائے مندراں ءچ نئیں راہندا۔

کیوں جو اُوں ہِک ڈینہہ مقرر کر ڈِتے جِیں ویلے او عدل نال ساری دُنیا دی عدالت اُوں بندے دے ذریعے کریسی جِینکُوں اُوں مقرر کیتا ہے۔ تے اُونکُوں مُردیاں ءچوں زندہ کر تے ایہ گالھ سارے اِنساناں اُتے ثابت کر ڈِتی ہے۔“

جے اساں خُدا دی اولاد ہیں تاں ساکُوں ایہ نئیں سوچنڑاں چاہیدا جو خُدا تعالیٰ دی ذات سونے، چاندی یا پتھر دی مُورت ہے جیہڑی کہیں اِنسان دی ماہرانہ کاریگری ہووے۔