तर परमेश्वरगी लेमुते जैतुन दोङबो हाँगे नाङ जैतुन मोगोन्च्येते हाँगाओनचेन दुम्गीन क्युरसुङ। थेमे दुम्गीन क्युराते ठाउँदुचेन छ्याङमे नाङला थाराङ केबाते जैतुन दोङबो हाँगा खुलाकीन जोरे खासुङ। थे खोरोङगी साबाते मेङेन्कान्ते इस्राएलीओनला ताङगीन थेबे साटोला परमेश्वरगी ख्योकोन ज्येन ज्येन जातकी मिला थे खोरोङ मि ईन साबाते ईन सिराला ङे दि दोङबो बात खाबाते ईन। थोक खाईन जोरे खाबाते हाँगाओनगी गोच्येते जेसुकै चाप्रेनमेकी ङेता च्योकराङ खाईन परमेश्वरगी थेबे ज्युज्यु पुर्खाला बिन्दाते आशी ख्योकोनलाङ तेरगीन ओत। दोक ईन्सीनोङ ख्योकोन छ्ये खिन थे दुम्गीन क्युराते हाँगाओन साबाते इस्राएलीओनला हेला माकेत। ख्योकोन छ्येराङ खिओ सासीन दि बात टोक माज्येत। च्यि सासीन ख्योकोननी हाँगा च्योक्तेकामा ईन। हाँगेकी खित्सादु चाप्रेन रोम्बो ओङच्येते मेन, चाप्रेनगी खित्सादुका हाँगाओन रोम्बो ओङच्येते ईन।