थोक सिरजीन थेकी थेला “परमेश्वरगी ङेन साबाते छ्येते नियम दिराङ ईन। थे नियमला चुक खि साबा ओते सासीन ‘इस्राएलीवे, दि बात लेमु खाला ङेन। ङुरूङ प्रभु परमेश्वरलाकामा माने खिओ। प्रभु परमेश्वर थेकामा ईन। थोगी प्रभु परमेश्वरला खेराङ आत्माताङ बुद्धिकी थेमे स्येतकी थुपासम्म सेमदुकीराङ ङिङज्ये खि,’ सिन साबा ओत। दि तिरी ङेन्दा फाप्च्येते नियमलाचेन दोक सिन साबा ओत। च्यि सासीन ‘दाक्पोन ज्यानला माया खिता च्योकराङ खाला ज्येनलाङ ङिङज्ये खि,’ सिन टिबा ओत। परमेश्वरगी बिन्दाते नियम नाङ दि नियम ङिबो छेत छ्येते ज्येन नियम ओतराङ मेत,” सिन सिदुक।