Popular Bible Verses from शक्ति काम 17

Share

मिओनगी थे खोरोङला चाल्‍ला सु ईन्‍दे सिन छ्या स्‍येस्‍यीत सिनराङ दोक खाईन थेकी गाङे लाईदु जेसुकै ठीक खाबाते ईन। थेला छोलाला थारीला ड्वा माफाबो। थे ङुरूङताङराङ देत्‍क्‍यो।

थेकीराङ गोमा मिज्‍यीक जोकीन थे छ्य्‌वापेईराङ जात जातकी मि ओङ च्‍युत्‍कीन थेबाला सा लुङबा खाङ देत च्‍युताते ईन। खाङ जातकी मिला खापा ज्‍य्‌वाच्‍ये, थोईसाक सोन ज्‍युत्‍च्‍ये सिन गाङे थेकी गोमाका ठीक खाबा ओतान।

थेचेन सा नाम थेमे दि पृथ्‍वीदु ओताते जति जेसुकै जोकान्‍ते परमेश्‍वर ईन। स्‍वर्गने थेमे पृथ्‍वीदु गाङेपा राज्‍य खित्‍कान्‍ते थेराङ ईन। थोगी थेनी मिओनगी जोबाते मन्‍दिर नाङला मेदेदो।

च्‍यिला सासीन थेकी ङीमा लेनज्‍यीक सुङलाङ काका पाका मिक्‍किता खाला मि गाङेते न्‍याय खिओ। थे छोमु सु सुला चुक चुक खिता फाप्‍कीका सिरच्‍येते टुङ्गोचेन थेकी छाने खाबाते मिज्‍यीगी खिओ। थे मि थे खोरोङगीराङ छाने खाबाते ईन सिन मिओनगी छ्या स्‍येस्‍यीत सिन थेकी थेला स्‍यिसादुकी सोम्‍बो लोक्‍पा ओत,” सिन बात खासुङ।

परमेश्‍वर सखा सन्‍तान ईन्‍सीनोङ ङुरूङगी परमेश्‍वर दोकस्‍यिकराङ ओतासीन सिन विचार खाला सेर चाँदीताङ दोई मूर्तितेबा जोला परमेश्‍वर सिन माने खिता मेङगो।