Popular Bible Verses from Markus 11

Share

Aning ati ara, na nyapsine. Allah morolulum talak arye, aning-aning morolulum ning nirya ara, ‘Aning dipkoprop akunum arepmanile’ tenen, diba tenepmunyopura, Allah arye dipkoprop arenamsile.

Anggun moubuka kekeplulume. Yatanye do nirya, kanye talima bokoltona kumce, “Narye elti, moropnye ning ara, Allah arye dipkoprop winipnamnile,” nyabuka, Allah ati pia diba tenebukce, omutuku ati, “An bidamnang erebuka, laut mekwen noutamak delilbilyame,” nyapnutopura, amutuku el bidamnang erebuka, laut mekwen noutamak dopkwetepdatue.

Tonda, Allah ati moronamlum talak nirya ara, anggunti malye winipdeipsice nang ara, anggun malye winipdeipsice ning atibuk, malye kanye tuba tenepmunyopura, adiparyuk teniltona kumce, anggun malye winisice nang ati namin kilongonamlulume. Namin kipmunyopura, anggun ni Allah im deice ululnye birye, anggun babye, malye winilamlum ning nirya babye, namin kipnamsile.

Nyabukura, Yesus arye tamubuka nyabuk. Anggunda Allah ati pia diba tenenamlulume.

Wininmok talak ara, aunmek nang ati, ayupu nirya peterenmok. “Allah arye nyapdeibukura, nabi Yesaya arye sekiamuk yupu ara, tuba kum teneplum do? Ayupu ara, ani.” ‘Allah arye, “Na si erena aik ati, ninye mutuku-mutuku nirya arye, Anyaik ara, Allah el si moronyak aik atia nyanamake,” nyabuk.’ Tonda, Yesus arye ayupu nyabuk. “Allah arye nyapdeibukura, nabi Yesaya arye anyapmasin yupu sekamuk bukni, anggun wini talak ululum nang ara, ubula nang arye ubula dobuka dungnulamak aik ulamle touk, anyaik babye, akunum malye updeipmalume,” Yesus arye nyabuk.

Yesus banmokak menekuka banmek nang ap, aminyan yanganmek nang ap, ‘Yesus ara, nun weik ninye deiyoknye upnamsil’ tenen, Allah yupu laka nyalamik nang minop arye sekamik yupu dobuka, ayupu weik arye nyapnin banmek. Nyapnin banmek yupu ara, ani. ‘Allah elda pia telebe. El si erebuka kibabe. Allah el mikip deice arye yanmalanye bira, Allah weik arye meliplibuk, telebuk ulule.’ Tonda, ayupu ton nyanmek.

“Nun apu kopropa Daud ati, Allah arye, ‘Amutuku nirya talibuka unalame,’ nyabuka deiamuk ning ara, wini talak akunum deiyok kipnula ati, Allah arye melipliba, aning nirya telebuk unamle. Aning ati ara, Allah anda, im deice ulyamce, weik mikip ulyamnye bira, nunce an si erepmabe,” nyabuka Allah ati weik yupu arye si erenmek.