Popular Bible Verses from Rasul 9

Share

Ananias arye ayupu nirya nyabuk bukni, nun deiyoknye Yesus arye tamubuka nyabuk. “Kume. An bilyame. Anye bira narye wipdeipse. Ati, na si dobuka, yuk-yuk mutuku ninye, Yahudi yala kum ninye ap, sik deiyok nang ap, ton Israel ninye ap ati, peterelbinamla deice arye, ‘Na pil donamle’ tenen, narye anyup wipdeipse.

Saulus tuku deice puplobuka lalakmok bukni, ninye yupu atonun arye “Saulus Sauluso. Yata ati ikin ning na nong deice deilinilyam do?” nyabukura, kekebuk. Kekebukce Saulus arye nyabuk. “Naio, an yatanye birye nyapnilam do?” nyabuka asipdeyuk. Asipdeyukura, Yesus im deice arye, ninye yupu atonun arye ayupu ton nyabuk. “Ance ikin ning nati deliniminya ara, Yesus natia,” nyabuk.

Yesus arye nyabukura, Ananias kekebuk akarye, Saulus el aik ulamukak binuka wekuk. Anyaik wekukura, el taruk tatang Saulus nong deice deibuk akarye nyabuk. “Na weit Sauluso, amutuku yanamluma ati, bisik yanganmumak panalyayuknye bira, nun ni kopropa Yesus. Elce, ‘Nara, an asing lapdeipnamkil’ tenen, tonda, Allah El Dib Kanye dopkweteplibuk, ‘Kanye pum tam wekilirye, langdipnamkil’ tenen, dopdeipmanile,” nyabuk. Ananias arye ayupu nyabuka tunim abuk bukni, adiparyuk mekin bal kal-kal bola atonun ning, Saulus el asing duk deice arye sakukura, Saulus el asing teleb kibukura, aning-aning nirya laka eibuk. Eibuk akarye bukukura, Ananias arye Saulus mek dongobuk.