Ura, pin barye do, taku barye sumto, Yerusalem mutuku ulamika ani, Festus Kaisarea mutuku koulukukce mapmoka, berekuk. Berekukopura, Festus arye, ‘Yupu lipsisikuka bokeipnune,’ tenebukce, sik yupu lipsisikuka talilamikak bukukce, “Paulus boyalulume,” nyabuk. Nyabukura, Paulus dobuka, Festus dam yanuka tikukopura, Yerusalem mutuku arye yanmek Yahudi yala nang arye, Paulus noutamak tikukura, anang dana-dana antanabuka denepdongopmek. Winipmikce, “Paulus el pia malye winibuk ning ara, ani,” nyabuka talye minina yupu nyalinmek bukni, deiyok ning ara, “Paulus arye winibuka malye winibuke,” nyabuka, asum arye nyabuka laka kum nyapmanto kibik.