Popular Bible Verses from मरकुस 8

Share

हाइदोनु जाइ ताइको पारान बान्‍चिपालि इछा पावा, वा इङको गुमाइपावा, कालाउबुङ काङको रो रेम्‍काबानालको भाअ्‌सिङ ताइको पारान गुमाइपाका, इङको बान्‍चिपावा।

हाइदोनु द्‌याङ गोताङ दुनिया निङतेङ ताइको पारान गुमाइ पानु इङकोहेङ हाइ नाफा ज्‍यावा?

इङकोन्हुअ्‌सो इसु ताइको चात्‍यागेलाइ रो इन्‍ता हिका द्‌याङगेलाइहेङ ताइकोता काइतेङ दोअ्‌हि, “जाइ कासेहेङ पिताइलि इछा पाखे इङको ताइमिहेङ इन्‍कार पाको रो ताइको कुरुस फातेङ कासेहेङ पितायाको।

माकुनु द्‌याङ ताइको पारानको बदलाता हाइ पिलि द्‌वावा? कालाउ इदोइ कासबिरि रो पापि पुस्‍ताता जाइ कासो रो काङको बचनसो लेदेरावा, का द्‌याङको चान बुङ आबाको पारतापता पुनित स्‍वरगदुतदोफा लोलाउ इङकोसो लेदेराङका।”

इसु एम्‍बालाइहेङ हिअ्‌हि, “कालाउबुङ नेलाइचाहिँ हाइ दोअ्‌सुखेना, का हासु?” पत्‍रुस दोअ्‌हि, “ना ख्रिस्‍ट हिना।”