लौ परमेस्वर्कायः ताङ्ह्ताक्पाःथै। ओउःइपाय् नीङ्कायः ग्रमःत ङ्हाम्ताक्सा खाय्तेःनै। येसु ख्रीस्कोः पेओ नोःराय् थोल्ह्ती तोतोक्हाङःमा ओउःतलेःमा तोआलाङः। ओउः उय्ह्लेहाङःसै आन ज्याङःतोकायः छ्यानःआक्मालो कुरा छ्यानःतोक्हाङः ओउःतलेःमा छ्यानःओ लेःआः। द्याह्पाय् परमेस्वर्कोः कुरा छ्यानःओलम्इ लेखती झ्यान्ते ओउः ङ्हा छ्यानःआक्मालो दोङ् कुरापाय् सबैकायः छ्यानःओ लेःआः। फेरी ओउः गलमा वाय्मालो परमेस्वर्इ तोती झ्यान्ते ओउः कुरापाय् सबै जात्कोः मान्तालम्कायः थोल्ह्ती तोओ लेःआः ओउःत खेःओ सबैइ ग्याती ङ्हाम्सा खाय्नानी। लौ ओउः यातैज्योः सबैसै व्हाय्ओ परमेस्वर्कायः येसु ख्रीस्इलेः गलकायःमा ताङ्ह्ताक्पाःथै। ओउःतलेः स्याव्पाः।