ओहाङःसैको ल्हुङ् पेतो व्हाय्तो स्याव्आक्तीको परमेस्वर्कायः पेतो तय्ह्ती झ्यान्ते “लोनेः दोह् दोह् पेओ कुरालम् त्याक्लाङ् वाङ्साकायः ओउःइ गोत्आतय्ही” त चीःतीलेः नीङ्इ आसती ल्युङ्ह्सा खाय्तेःनानी। “ङी ओउःच्युक् पेओ दोःनाःतय्ही” त चीःसामा “ङी ङ्हाम्ओलम्कायः गुच्युक् पेओ ग्वम्इलेः काम् जाङ्ह्आतय्ही” त चीःसामा खाय्तेःनानी। ओउःच्युक् ताङ्ह्ओ ग्वम्इपाय् ख्रीस् सीओ बेलाहाङः परमेस्वर्इ ओउःकायः उह्ती च्योक्ताक्ती ओउःकुस् लाङ्काहाङः लयःकोः ङोय्सैहाङः गुल्ह्दाङ् स्याव्ताक्ती गम्आथै। ओहाङः ख्रीस्पाय् सबै द्यव्तालम्सै पुःमानाः सबै राजालम् प्रभुलम् तेन्छ्याङ्कोः हुकुम् बयःओलम्मा लोनेकोः हुकुम् बयःओलम्मा इ सबैकायः ख्रीस्पाय् पुःलेःनाः बा।