Popular Bible Verses from Baroma 4

Share

Ha aa ka a thekesela tšepisong ea Molimo ka ho se lumele; empa a tiya tumelong, a tlotlisa Modimo; Mme a kgodisehile ka botlalo hore seo a se tshepisitseng, o ne a ka kgona le ho se etsa.

Jwalokaha ho ngodilwe, ho thwe: “Ke o beile ntata ditjhaba tse ngata,” pela eo a ileng a dumela, e leng Modimo, ya phedisang bafu, ya bitsang tse siyo jwaloka hoja di teng.

Ke yena ya neng a neelwa ka baka la ditlolo tsa rona, mme a tsoswa hore re bewe ba lokileng.

Ke yena ya dumetseng ka tshepo, ho se na tshepo, hore e tle e be ntata ditjhaba tse ngata, ka polelo e reng: Leloko la hao le tla ba jwalo.

Ka baka leo, ke ka tumelo, hore e tle e be ka mohau; hore pallo e tle e tiye leloko lohle; e seng ho bao e leng ba molao feela, empa le ho bao e leng ba tumelo ya Abrahama; ke yena ntata rona bohle.

E re: Ho lehlohonolo bao melato ya bona e tshwaretsweng, bao dibe tsa bona di apesitsweng. Ho lehlohonolo motho eo Morena a sa mmalleng sebe.

Hobane Lengolo le re’ng? Abrahama a dumela Modimo, mme a ballwa hoo e le ho loka.