Popular Bible Verses from Baroma 10

Share

Hobane ha o bolela ka molomo wa hao hore Jesu ke Morena, mme o dumela ka pelong ya hao hore Modimo o mo tsositse bafung, o tla bolokeha.

Hobane motho o dumela ka pelo ho isa ho lokeng; mme boipolelo ka molomo bo etswa polokong.

Ka baka leo, tumelo e tla ka kutlo, mme kutlo e tla ka lentswe la Modimo.

Hobane Lengolo le re: E mong le e mong ya dumelang ho yena a ke ke a hlajwa ke dihlong. Hobane ha ho phapano mahareng a Mojuda le Mogerike; Hobane e mong le e mong ya tla rapela lebitso la Morena o tla bolokeha.

Mme ba tla bolela jwang, ha ba sa rongwe? jwalokaha ho ngodilwe, ho thwe: A matle hakakang maoto a ba bolelang Evangeli ya kgotso, ba tlisang molaetsa o molemo wa tse molemo!

Jwale ba tla bitsa jwang ho yena eo ba sa kang ba dumela ho yena? mme ba tla dumela jwang ho eo ba sa kang ba utlwa ka yena? mme ba tla utlwa jwang, ha ho se mmoledi?

Hobane Kreste ke pheletso ya molao, hore e mong le e mong ya dumelang a be le toka.