1
Rômanina 15:13
Dikateny Iombonana Eto Madagasikara
DIEMDC
Ilay Andriamanitra loharanon’ny fanantenana anie hameno fifaliana sy fiadanana tanteraka anareo noho ny finoanareo, mba hampitomboina be dia be ao aminareo ny fanantenana noho ny herin’ny Fanahy Masina!
2
Rômanina 15:4
Eny, izay rehetra hitantsika ao amin’ny Soratra Masina dia voasoratra ho fampianarana antsika mba hananantsika ny fanantenana no ho ny faharetana sy ny fampaherezana avy amin’ny Soratra Masina.
3
Rômanina 15:5-6
Ary Andriamanitra loharanon’ny faharetana sy ny fampaherezana anie hampiray hina anareo, hanaraka ny ohatra nomen’i Kristy Jesoa. Ka mba hiray feo ianareo hiara-manome voninahitra an’Andriamanitra, Rain’i Jesoa Kristy Tompontsika.
4
Rômanina 15:7
Koa mifandraisa tsara ianareo, tahaka ny nandraisan’i Kristy anareo koa ho voninahitr’Andriamanitra.
5
Rômanina 15:2
Samia isika manao izay mahafaly ny namantsika amin’izay mahasoa ka mampiorina azy amin’ny finoana.