Popular Bible Verses from Ohabolana 3

Matokia ny TOMPO amin’ny fonao manontolo, fa aza miantehitra amin’ny fahakingan-tsainao. Mieke Azy amin’izay rehetra alehanao, dia hatorony anao ny soritra harahinao.

Aza manao ny tenanao ho hendry, fa hajao ny TOMPO ka ialao ny ratsy.

Anomezo voninahitra ny TOMPO ireo fanananao sy izay voaloham-bokatrao rehetra. Dia ho feno vary mitafotafo ny sompitrao; ary hihoatra ny barika fanantazanao azy ny divay.

Aoka tsy hialanao mihitsy ny fitiavana sy ny toetra mahatoky; kajio toa firavaka fiambozonanao izany, ary soraty ao am-ponao toy ny amin’ny vatofisaka.

Anaka, aza hamavoinao ny famaizan’ny TOMPO ary aza tofoka amin’ny fananarany. Fa izay tian’ny TOMPO no anariny toy ny ataon-dray amin’ny zanany malala.

Anaka, aza manadino ny fampianarako; ary aoka ho voatandron’ny fonao ny didiko. Fa andro lava sy taona maro iainana ka hiadam-pinaritra hatrany no ho vokatr’ireny ho an’ny tenanao

Sambatra izay olona nahita ny fahendrena sy izay olona nahazo ny fahaiza-manavaka. Fa ny fananana azy dia tsara noho ny fananana volafotsy ary ny tombontsoany dia mihoatra noho ny volamena. Sarobidy noho ny voahangy ny fahendrena; ary izay rehetra azo irina dia tsy misy mitovy aminy.

Aza misalasala manao soa amin’izay mila izany raha azonao atao ihany.

Fahendrena sy fahaiza-manavaka no nanorenan’ny TOMPO ny tany sady nahariany ny lanitra.