Popular Bible Verses from Vei Ira Na Kai Roma 8

Share

Ni da sa kila sa veivuke na ka kecega me ra vinaka kina era sa lomana na Kalou, ko ira era sa kacivi me vaka na ka sa nakiti oti.

Niʼu sa kila dina, ni na sega ni rawata na mate, se na bula, se ko ira na agilose, se ko ira sa liu, se ko ira sa kaukauwa, se na veika sa yaco edaidai, se na veika ena yaco emuri, se na ka cecere, se na ka titobu, se dua tani na ka, me tawasei keda mai na loloma ni Kalou, a ya sa yaco e na vuku i Karisito Jisu na noda Turaga.

Ia na Yalo talega sa vukea na noda malumalumu: ni da sa sega ni kila na ka e kilikili kei keda me da kerea: a sa masulaki keda ko na Yalo e na vutugu e sega ni cavuti rawa.

A cava me da qai kaya e na veika o qo? Kevaka sa totaki keda na Kalou, o cei me noda meca?

O KOYA o qo era sa sega kina ni lewai me cudruvi ko ira era sa tu vata kei Karisito Jisu, era sa sega ni muria lako nai tovo vakayago, era sa muria ga na Yalo.

Ni sa vu ni mate na gadreva ni tovo vakayago; ia sa vu ni bula kei na vakacegu na gadreva ni tovo vakayalo.

Ia na ka kecega o qori eda sa gumatua sara kina, e na vuku i koya sa lomani keda.

Niʼu sa vaka ni sa sega ni yaga me rau vakarauvatani na ka ca sa vosoti e na bula o qo kei na kalougata ena vakarairaitaki vei keda emuri.

O cei me na tawasei keda mai na loloma i Karisito? a ka rarawa li, se na yaluma, se na dauveivakacacani, se na dausiga, se na luvawale, se na dauveivakarerei, se nai seleiwau?

Ia ko koya sa daudikeva na yaloda sa kila na loma ni Yalo, ni sa masulaki ira na tamata lotu me vaka na loma ni Kalou.

Ia sai ira ga sa tuberi ira ko na Yalo ni Kalou era sa luve ni Kalou.

ni sa gadreva na veika vakayago ko ira era sai tovo vakayago; ia na veika vakayalo ko ira era sai tovo vakayalo.

Ena vakaevei ko koya sa sega ni maroroya na Luvena dina, a sa soli koya yani me kedai sosomi kecega, ena sega vakaevei ni solia walega vei keda na ka kecega vata kaya?

A Yalo o qo sa tukuna mai ki na yaloda, ni da sa luve ni Kalou: ia kevaka eda sa gone, eda na qai taukei; eda na taukena na veika ni Kalou, eda sai taukei vata kei Karisito; kevaka eda sa vosota vata kaya na ca, eda na vakalougatataki vata kaya talega.

Ni sa veimecaki nai tovo vakayago kei na Kalou: ni sa sega ni vakarogoca na vunau ni Kalou, ia sa dredre sara me vakakina.

Ni sa gadreva vakalevu ko vuravura ka wawa tikoga me ra vakarairaitaki ko ira na luve ni Kalou.

Ni da sa kila, sa vutugu vata ko vuravura taucoko, ka sa yaluma e na rarawa, ka yacova na siga o qo.