Popular Bible Verses from Vei Ira Na Kai Roma 1

Share

Niʼu sa sega ni maduataka nai tukutuku-vinaka kei Karisito: ni sai koya o qo na kaukauwa ni Kalou me vakabulai ko ira yadua era sa vakabauta: sa liu ko na Jiu, ko koya talega sa matanitu kisau.

Ni sa vakatakilai kina me vakabauti, ni sa vakadonui ira ko na Kalou era sa vakabauta: me vaka na ka sa volai, Ena bula e na vakabauta ko koya sa yalododonu.

ni sa kune na veika e vuni tu sa nona na Kalou, io, na nona kaukauwa tawa mudu kei na nona tu Vakalou, ni sa kilai oti e na veika sa buli, mai na gauna sa buli kina ko vuravura; o koya o qo sa sega kina na nodra ulubale.

Io, ni ra sa kila tiko na Kalou, era sa sega ni vakarokorokotaka me vaka na Kalou, se vakavinavinaka; a sa lialia mai na nodra nanuma, a sa butobuto mai na yalodra sesewa.

ia era sa vakaisosomitaka nai vakavuvuli dina ni Kalou, e na ka e lasu wale, a ra sa soro kina ka qarava vakalevu na ka sa buli ka vakalailai ko koya sa bulia, o koya sa nona na vakarokoroko ka tawa mudu. Emeni.

NI sa vakatakilai mai lomalagi na cudru ni Kalou ki na nodrai valavala ca kecega kei na nodra tawa-dodonu na tamata, era sa tarova nai vakavuvuli dina e nai valavala tawa-dodonu

O koya sa biuti ira kina ko na Kalou me ra muria na dodomo vakasisila: ni ra sa vakaisosomitaka ko ira na nodra yalewa nai valavala sa lesi e na dua tani e sega ni lesi: sa vaka talega kina ko ira na tagane, ni ra sa biuta nai valavala sa lesi vata kei na yalewa, era sa waqawaqa e na veidomoni vakai ira: a ra sa kitaka ko ira na tagane na ka velavela sara kei ira na tagane, a sa yaco kina vei ira nai sau dodonu ni nodra caka cala. Ia ni ra sa sega ni vinakata me ra kila tiko na Kalou, sa biuti ira ko na Kalou me kua ni vinaka na lomadra, me ra kitaka na veika e sega ni kili kei ira

Ni ra sa vaka tiko era sa vuku, era sa lialia mai; a ra sa vakaisosomitaka na serau ni Kalou sa tawa mate rawa, e na matakau e vaka na tamata sa daumate wale, kei na manumanu vuka, kei na manumanu e yavai va, kei na veika sa dolo.