Popular Bible Verses from Maciu 9

Share

Sa qai kaya vei iratou na nona tisaipeli, E dina ni sa vakalewe na yabaki, a ra sa lewe lailai ga nai vakatau-ni-were; o koya mo dou masuti koya nai Taukei ni were, me tala yani e so nai vakatau-ni-were ki na nona were.

ia dou laʼki vulica nai balebale ni ka o qo, Au sa vinakata na yalololoma, ka sega nai madrali; ni kaʼu sa sega ni lako mai me kacivi ira na yalododonu, o ira ga nai valavala ca, me ra veivutuni.

Ia ni sa raici ira na lewe vuqa ko koya, sa lomani ira, ni ra sa malumalumu, ka biu wale tu, me vaka na sipi sa sega na nodrai vakatawa.

Ia ni sa rogoca ko Jisu, sa kaya vei ira, Sa sega ni yaga na vu-ni-wai vei ira sa bula vinaka, vei ira ga sa tauvi-mate

A SA lako voli ko Jisu e na veikoro kecega kei na Veikoro lalai, ka vakavuvuli e na nodra veivale ni lotu, ka vunautaka nai tukutuku-vinaka ni matanitu, ka Vakabula kecega na mate kei na malumalumu kecega vei ira na tamata.