Popular Bible Verses from Ai Vola I Isaia, na Parofita 43

Share

raica, kaʼu na cakava na ka vou; ena tubu malua mai; dou na kila, se segai? io, kaʼu na cakava na sala mai na lekutu, kei na wai drodro e na talasiga

Ni ko sa lako e loma ni wai, kaʼu na tiko kei iko; kei na loma ni veiuciwai, ena sega ni dromuci iko: ni ko sa lako e loma ni buka, ena sega ni kati iko; ena sega talega ni vakamai iko na yameyame ni buka.

Dou kakua ni vakananuma na ka makawa, se vakasama na ka eliu

IA o qo sa qai vaka ko Jiova, o koya ka cakavi iko, Jekope, ka buli iko, Isireli: Kakua ni ko rere; niʼu a voli iko, au a kacivi iko e na yacamu; o sa noqu.

E na vuku ni ko sa talei e mataqu, ko sa vakarokorokotaki kina, kaʼu a lomani iko: ia kaʼu na soli ira na tamata me kemui sere, kei na veimatanitu mei voli ni nomu bula.

Ni sai au ko Jiova, na nomu Kalou, na Yalosavasava nei Isireli, na nomui Vakabula, kaʼu a soli Ijipita me kemui voli, o Kusi kei Sipa e na vukumu.

Kakua ni ko rere, niʼu sa tiko kei iko: au na kauti ira mai cake na nomu kawa, mai ra talega kaʼu na vakasoqoni ira mai na kai nomu

Oi au, io koi au o qo, kaʼu sa bokoca e na vukuqu na nomu talaidredre, kaʼu na sega ni nanuma ki na nomui valavala ca.

Sa kaya ko Jiova, Sai kemudou na noqu tamata dautukutuku, ia na noqu tamata kaʼu sa digitaka: mo dou sa kunea ka vakadinati au, ka kila ni sai au ko Koya: sa sega na kalou sa caka eliu ka muri koi au, ena sega talega me na taravi au.

Oi au, oi au ga ko Jiova; ka sa sega tale nai Vakabula, sai au ga.

Io, mai nai matai ni siga, sai au o qo; a sa sega sa Vakabula rawa e dua mai na ligaqu; au na cakacaka tiko, ia ko cei me na vakadaroya?

ena vakarokoroko vei au na manumanu kila, kei na gata lelevu kei na ositereji: e na vuku niʼu sa solia na wai mai na lekutu, kei na uciwai mai na talasiga, meʼu vagunuvi ira na noqu tamata, kaʼu a digitaka. O ira na tamata o qo kaʼu sa cakava me noqu; era na tukuna na noqu vinaka sara.

kaʼu na kaya ki na mata ni tokalau, Mo vakatalai ira mai; ki na mata ni ceva talega, Kakua ni ko bureitaki ira; me ra lako mai na vanua vakayawa ko ira na luvequ atagane, kei ira na luvequ alewa mai nai yalayala kei vuravura; ko ira yadua era sa vakatokai e na yacaqu; ia kaʼu a cakavi ira meʼu vakarokorokotaki kina; kaʼu a buli ira; io, kaʼu a cakavi ira.

Sa vosa vakaoqo ko Jiova, o koya sa cakava na sala e na Wasawasa, kei na salatu e na wai kaukauwa; o koya sa kauta mai na vale-vodoki kei na ose, nai valu kei na qaqa; era na koto sobu vata, era na sega ni tu cake tale; era sa suibokoci, era sa bokoci me vaka na wa ni cina.

Oi au ko Jiova, na nomudou Kalou Yalosavasava, o koya ka Buli ira na Isireli, kaʼu sa nomudou Tui.