Popular Bible Verses from A Nonai Vola Na Dauvunau 9

Share

A ka kece ka sa kunea na ligamu me cakava, mo kitaka ga e nomu kaukauwa; ni sa sega na cakacaka, se na nanuma, se na kila ka, se na vuku, e nai bulubulu, a ya ko sa lako kina.

AU a qai gole, ka kunea e ruku ni siga, ni sa sega ni ira na daucici sa tauca na cere, ka sega ni ira na qaqa sa gumatua e nai valu, a sa sega talega ni nodra na vuku na kakana, a sa sega talega ni nodra na yalomatua nai yau, a sa sega talega ni nodra na matai me vinakati; ia na gauna kei nai yacoyaco sa lutuki ira na tamata kecega.

Mo drau tiko vakarekireki kaya na watimu o koya ko sa lomana e na veisiga kece ni nomu bula walega, a ya sa solia vei iko ko koya e ruku ni siga, na veisiga kece ni nomu bula walega: ni sai koya o qori na nomui votavota e na nomu bula o qo, e na cakacaka talega kp sa oga kina e ruku ni siga.

Mo qai lako, kania e na marau na kemu kakana, ka gunuva e na yalo rereki na memu waini; ni sa qai vinakata na nomu cakacaka na Kalou.

Sa vinaka na vuku ka ca nai yaragi ni valu: ia na tamatai valavala ca e lewe dua ga sa vakacacana na vinaka levu.

Sa rogoci vakalevu na nodra vosa malumalumu na vuku, ka vakalailai na qoqolou i koya sa lewa e na kedra maliwa na lialia.

Ni sa kila ko ira sa bula ni ra na mate: ia ko ira na mate era sa sega ni kila e dua na ka, a sa sega tale na nodrai voli; ni sa yali sara na kedrai nanumi.