Popular Bible Verses from A Cakacaka 9

Share

A sa kaya na Turaga vei koya, Mo lako ga; o koya o qo na tamata digitaki vei au, me kauta na yacaqu ki na matadra na veimatanitu kisau, kei na tui e so, kei ira na luve i Isireli

a sa bale sobu ki na soso, a sa rogoca e dua na domo ni sa kaya vua, I Saula, i Saula, o sa vakacacani au e na vuku ni cava? A sa kaya ko koya, O cei ko iko, Turaga? A sa kaya na Turaga, Oi au ko Jisu, o koya ko sa vakacacana: e ca vei iko mo caqeta na mata ni moto.

A sa lako ko Anani a, ka curu ki na vale; a sa tabaka e na ligana, ka kaya, Na wekaqu Saula, a Turaga ko Jisu, o koya ka rairai vei iko e na gau-ni-sala ko a lako mai kina, sa talai au mai, mo rai rawa, mo vakasinaiti talega e na Yalo Tabu. A sa lutu vakasauri mai na matana na ka e vaka na vari ni ika: a sa rai rawa vakasauri ko koya; a sa tu cake, ka sa papitaisotaki.