Popular Bible Verses from Wlomɛnya 1

Share

'E kɛ 'Denaade sɛ, -zu "ne lɔbhɔ -ame. 'Ɛɛ -noɔ -lɔ Lagɔ 'na 'bhɛloɛ -ɛ "kɛ -wa -kɛ 'dleku 'klekle fuɔ -wɛ yɛ, zufonya "bhuɔ, "ne -wa "ne zufonya 'waa -wɛ -ko -da -lɔ lɔbhɔ.

"Naa-, 'Denaade 'tua -ɛne, 'nyakpa 'klekle -wa -kɛ Lagɔ 'dleku -wɛ 'ylime, 'wanɛɛ 'dlekukɛleɛ 'ɛyikɔ -gbɔ -lɔ "ne 'wa yi -lɔ "meŋwinɛlenya "zo. 'Diɛɛ, Lagɔbɔgo "me sɛne 'wa lɛ -lɔ nɛɛ: -Ɔ "zo "meŋwinɛlenyɔ 'ɔnɛɛ 'dlekukɛleɛ za -wɛ, 'ɔ yi zikpɛ yle.

-See zikpɛ "mɔ 'awɔ 'wlɔ ne, Lagɔ 'na 'bhɛloɛ "ne -nɛnidɛ -kɛ, "ne 'ɔnɛɛ Lagɔkosɛ 'ɛ "ne 'yli -gɔ. -A kɛ 'ɔnɛɛ nonoli "ku wolo ne, 'ɛ 'noɔ "me gbɛklɛklɛ, "ne 'nyakpa 'na "nyɛzedlepɔsɛ "ne -la -le.

"Naa-, 'wa -yibhlele Lagɔ, -mɔ, 'wa "no 'ŋlu -kwa, "ne 'wa "no -bhɛle. "Naa-, -ye -a "kɛ nɛ Lagɔ za no -wɛ yɛ -lɔ. 'Wanɛɛ 'dlepɔsɛ "ne 'nɛne, "ne 'wanɛɛ "nanoɛ "ne gbɛklɛklɛ -ko.

'Diɛɛ 'na Lagɔ -wɛ 'ye 'wa -zigbalea -lɔ "fu 'na Lagɔ "me. 'Wa bɔbɔ "ne 'wa lɔbhɔ -ye Lagɔ 'wlɛ -wɛ "ku, 'Wlɛnyɔ 'na bhulɛ "me. 'Ɔɔ 'bhe- lɔ 'ŋlumeɛ -godogodo! Amɛn!

Lagɔ -ko "nɔgɔ "me, "ne 'ɔ tua 'nyakpa 'ɔnɛɛ 'kɛle 'ylime, sɛko -wɛ, 'nyakpa, 'nyinyonolinonya 'waa -lɔ, "naa-, 'wa no "nyɛnye zɛ. 'Wanɛɛ nonolinyɛnye -wɛ za 'wa 'titi -lɔ gbɛklɛklɛ 'yliku.

'Ɛza, Lagɔ "taloa- -lɔ 'yi "ne 'wa yi -lɔ -ɛ 'lɔbhoa -zu -wɛ gɛlele-. 'Wanɛɛ 'ŋwenea -nyɛ 'widia "bhaa 'wa "ne go -da, -mɔ, 'wa -nyɛ 'ŋwenea 'na -vinoa 'wɔ "bhaa "ne 'wa go -lɔ, -ye 'wa no "ɛ -soɔ -wɛ, -bɛɛ' 'na 'ye 'wa "ne no zikpɛ ne "ku yɛ -lɔ. "Ɛ -bhele -wɛ 'ye 'widia no -lɔ. 'Wa -nyɛ 'ŋwenea "bhaa 'wa "ne go -da, -mɔ, 'ŋuto- 'koa 'lɔbhɔ ne, 'wayi 'na 'kpakpɛ "ne 'wa go -lɔ, -ɛ -le 'zu "ku! Soɔ 'ye 'wayi 'nabhɛ -yle -lɔ 'kleyeɛ -ye 'wanɛɛ -kosɛ -nyɛnye -nɛmoa "ku -wɛ. 'Wa "ne 'yɔbhɔ -gbɔ 'wa "kɛ -kɛ 'se Lagɔ yibhlele- za, Lagɔ "taloa- 'yi "ne 'wa yi -lɔ 'wanɛɛ 'dlepɔsɛ -nyɛnye -wɛ gɛlele-, "ne 'wa no -lɔ -ye 'nyɔkpɔ -ka no -wɛ.

'Wa nɛɛ 'ylime 'wa -yɛ, -mɔ, 'wa "zo- "kukwɛnya. 'Wa "kɛ -kɛ 'ŋlu me Lagɔ -ɔ "ne "ku -wɛ bɔbɔ ne, -li -wɛ 'wɔ 'wa bɔbɔ -lɔ. "Ɛ -li -wɛ 'wɔ, 'nyɔkpɔ -ɔ "ku -wɛ, 'zea, 'nɛmea -wa "nɔŋole bho -mɔɔnɔ 'yli -wɛ, "ne bɛbɛ -nɛmea -wɛ 'wɔ, 'wanɛɛ zuzu 'wa bɔbɔ -lɔ.