Popular Bible Verses from Dodadi 11

Share

De Ma Jou o Yawe womatemo wato, “Kiani tagutiohi dau o duniauku la talega ona abe yokarajaanga naa. Ona naa yodiai manga kota de manga tau ma gurutiye kiani tamakeohi. Abeika, ona naa duru yodadi o doomu moioka dika de mata-mataika manga demo ka moi. De naa duru ihititi ma rupa ma ngoe abe ahao ato yodiai. Ho ko itedekanokaua de ngaro o kia dika onangoka ato yodiai, ma gea ka yodiai dika angamoi to ona manga demo ka moi dika.” De Ma Jou ka womatemohi wato, “Ho naa koaho Ngone haguti onanguku la manga demo hohikapusakoka la imakokohowonoka. Hokogea hodiai la manga demo idadi o demo ma ngoe imaketemomomoi, la ngaro yomakoketemo ma ko yomaketemangaratiiokaua.” Hokogea Ma Jou wotemo.

Hokogea manga hidee de hokogea yodiai. De ahao yomakoketemoli ato, “Abeika, koaho howoe homatoomuino de nanga tau homadiai hiadono nanga kota idadi. De irahai moi ma tau hodiai duru kohagurutiye hiadono imahitigi-tigiye o dihangiye. Abe nako hokogea homadiai de ka ihikaika o nyawa mata-mataika inahioriki hiadono inahigiriiri ma titi nanga tau gea abe kohagurutiye! De ngone gea ahao duru homaketerimoi abe homatoomuino dika la ufa hiadono ngone homahikokabarihika o dunia ma amokika.”

Gea ho hiadono manga kota gea ihiromanga o Babele, mangale genangino Ma Jou o Yawe o nyawa manga demo wohikokohowonoka hiadono manga demo kohangoe. De angamoi manga demo imaketemomoioka ho genangino ma titi hiadono ona gea Ma Jou o Yawe wahiaturu la hiadono wahikabarihi o dunia ma amokika.

De ma dodihirainohi gea o dunia ma nyawa mata-mataika manga demo ka moi abe manga demo ka imakokadaenohi ma titi.

De Ma Jou o Yawe womatemo wato, “Kiani tagutiohi dau o duniauku la talega ona abe yokarajaanga naa. Ona naa yodiai manga kota de manga tau ma gurutiye kiani tamakeohi. Abeika, ona naa duru yodadi o doomu moioka dika de mata-mataika manga demo ka moi. De naa duru ihititi ma rupa ma ngoe abe ahao ato yodiai. Ho ko itedekanokaua de ngaro o kia dika onangoka ato yodiai, ma gea ka yodiai dika angamoi to ona manga demo ka moi dika.”

Ho Ma Jou o Yawe wouti de wohikokohowonoka to ona manga demoika hiadono wohidadi manga demo ma ngoe. Hokogea ona genangoka wahikokabarihika mata-mataika o duniaka. De angamoi ona yomaketeliliara hiadono yomatogumoka yodiai manga kota gea.