Popular Bible Verses from Jagillo 13

Share

Toro wuudodopure tovi a'mwo abolo ton wuu'no'mno kwako su towai'no luko sopogano. Toro ino sumaveyokwe joullumo'naro'mno Moosesollu yogalo kuudopogano. Toro kuudopo kuvi kuruv Kelepolno'gwowi a'mwo abolo su tonyu duumjuku'no sumaiyokwe aro kuudokaikono. “Nevu kwako su toru'no yere ilowa'ji amarano. A'mwo su toorai molo nokwo uuwolowa'ji kwako su tovi nomaranokwono.” Kuudokaikono.

Aki Anakolluro jukweyago kwolaiyo kworo kuruv kwako su tovi nomwakovo. A'mwo bwotonyo kumiko kuunodo su toorai kwonowo toga nevu kumwelanyo tekwojonolbusuko kwimo'nowonogano. Aki su to kworo kuruv nemi nekwono'mno aro kuudo sanekuuroporogano. Akaikwojo kumwelanyo tekwojobusukorodeyo. Kuudo sanekuuroporogano.” A'mwo domokwe pworo toro soukuu'nuudoporogano.

Kelepol toro kuudoka kuvi kuruv a'mwo domokwe gabovo toorono'gwowi aro adoporogano. “Awi, kwako su tovida'ai a'mwo mwalodupudo tooravuro jurogudo tov nebuuronolluro tovi nekuuwolenodokwono. Toro tovino tov a'mwo su toorai molo ku'nono mwiyanonogano.” Adoporogano.

Toro juno sumaveyokwe kwako kwonomollopo su tovino nebaikuuguudo tov molluduvolno sumaveyokwe Isuraiyolda'ai a'mwo abolo tonyu kuunano yogalo aro soukuu'nuudoporogano. “Kwako su tov sugudo'maiyo. Wosamujuko ton ilaiyo mabila'dowo a'mwo abolo tobuuro mujuko bwotonyo bolodupudorukono. Aki kwako su tov nevu kwolallo akanollu ku'nono manekullonekwogano. Aki Kwako su tovida'ai yiuwi'nokai a'mwo abolo mwalodupudo ton bwotonyo kumi'yagogano.

Toro wuuduuwalluno sumaveyokwe Moosesollu aro kuudoporogano. “Guu kwako amodonekwapiyodo towai ki'movowono me'no kwonomollumwa'juwonogano. Kwako su tov sugudo kuunodokwono. Aki toro towai ikulsulo akanbusuko pun kurukweyowaikono.

Toro kuvi kuruv kwako su towaida'ai a'mwo mwalodupudo toorono'gwowi jurogudo kuunodorogano. Aki kemoro wagwolago ton bwotonyo kuunodogano. Aki wagwolago su tonyu mekuurupto togai kiromwalodupudogano. Aki kwako su tovi a'mwo bwotonyo kumiko kuunodo pworo mwalodupudorogano. A'mwo su tooro Anakolluro jukweyago kwolaiyo pworogano.

Aki kwako su towai a'mwo Amalekda'ai tooro kwako Negev toru wonyo kwolmoka saut tomgu mwalodupudorogano. Aki a'mwo Hitda'ai toorogai'aro Jebuusuda'ai toorogai'aro Amooroda'ai toorogai'aro tooro kwako muumuudokwe tomuu mwalodupudorogano. Aki a'mwo Kenanda'ai tooro pworo soolwaravuro wolago tomuu mwalodupudorogano. Pworo wonyo Joodanovuro wolago tomuu mwalodupudorogano. Kwako su towai a'mwo su tooro mwalodupudorogano.” Kuudoporogano.

Toro tooro wolabino sumaveyokwe Mooseseke'aro Erooneke'aro yiuwi'nokai Isuraiyolda'ai a'mwo abolo togai'aro ton kwako Kades toru kuuno mwalodopure tonyu abwolluru'maroporogano. Toro abwolluru'maropo su towai kwako a'mwomaiyo kuu'maiyo Paran tomuu wo'dowodokwono. Toro towai bwolluru'ma'no sumaveyokwe kwako Kenan toru kwonomollopo tovino kuuguudo tov kuudoporogano. Toro wuujuno sumaveyokwe ikulsulo amuudomokwolabopo togai'aro kuuduuwalloporogano.