Popular Bible Verses from Mak 6

Share

Toro wuudodopure toga a'mwo abolo pun kworaiyomno kuulno lokabino kuulno lokabino yodopure tovino tov wosamujuko tov ku'nono manoporogano. Toro te Jisasol aro kuudokaikono. “Kevu iruko po'dogalo mwallo'moneyokwe nevu kwako a'mwomaiyo judo pumuuno avlawano.” Kuudokaikono.

Toro tovino Jisasol aro kuudokaikono. “Proofet pwollu yiuwi'nokai tomuu yovo aguto wiyodupudekono. Toro kuvi kuruv gamoro avalo tonyuro akuuto toru gami wagwolago'mdeyo oo ago'mdeyo tomuuno'gwowi yovo aguto mwiyodupudekono.” Kuudokaikono.

Toro ki'mo'mdopure tonyu Jisasol boot tovida'ai bolokwino sumaiyokwe kwolallo bwotonyo su tonyu kwonokaikono. Toro ton sipsip tobuurobusuko imo'nodopure tobuurai a'mwo duuwato'moneyokwe pwol nonaguto sumo'nyajupogano. Su toro imo'nodopure tobuuraino Jisasol kalo kwinokaikono. Toro tonyu kuuguudo bwotonyago ton sodubwasokaikono.

Toro tovino tov Jisasol gami wagwolago kuunodo toru amwaloka toga duuwallo jurogudo bwotonyago pugai'aro kuuduuwallowo'jujuko kwol kuruv muuduuwallajukekono. Yiuno nobollokwe punyuno uubogai'no'no sukulokaikono. Jisasol toro ikulno sumaiyokwe a'mwo abolo gamino kuudo muubweyodopure su tonyuno kuudo kwolallo sourukwapiyokaikono. Toro yourukwapino sumaiyokwe ajumiyo go'no go'nodo pumuu sodubwosomollajukekono.

Toro mwalodopure toga Jisasol bret atobuul tokwe domwoga toorake malluno sumaiyokwe muunyu kai'muu iloonyopiya'no wosamujuko su tonyuno Gooti toollu, “Nenyoo,” kuudokaikono. Toro wuujuno sumaiyokwe bret tov buudeno buudeno sumaiyokwe gami uumjunyokwe toorai a'mwo abolo tonyu uumallupureyokwe amorapiyokaikono. Aki domwoga toorake'aro yiuwi'nokai a'mwo abolo ton nonpino'neyokwe abuudowapiyokaikono. A'mwo kwolallo yiuwi'nokai amwalopo ton wosamujuko su tov nyuno nyuno sumaveyokwe sumwoluko kwitovoka ton nonyugollu'mopto sopogano. Toro anyugollu'movopo tonyu bret nobuudeyo togai domwoga nobuudeyo togai basket tov 12-pela tobuullu sutowosungiko tonyu Jisasolluro uumjunyokwe tooro yomollo'mno amollu'bworomaroporogano.