Popular Bible Verses from Matyuu 27

Share

Toro uuwolo'nyuno sumaiyokwe 3 kilook toga Jisasol deko guureji aro adokaikono. “Eli Eli lama sabaktani?” Yogalo su tovi amovodo'mwojajungiko tov aro'mokwono. “Mi Gootoloo, Mi Gootoloo, guu buro'nyo'mo donyugollu'mo'mwakuneyo'mokwono.”

Toro aboloka kuga'gwo kuuno Gooti toollu ilomoropiyo'moneyokwe ago tovi anakuuto tomuuda'ai Gooti toolluro pwekwapto kuunodo toru'no youro kudo'aiko allukurosungiko tov akuuto toru'aro rojomokwolabino sumaiyokwe imgu amgu kworokakwono. Aki kwako tov wunyu wunyu bwotonyo ino sumaiyokwe sulo bwotonyo tooro aworeyopiyoporogano. Aki su toro toga a'mwo buuso pun kuusoda'mno sumaveyokwe Gooti toolluro a'mwo abolo bwotonyago me'no abollajupo tonyu Gooti tool aiyo aiko te amodukavokaikono.

Toro juno sumaveyokwe Jisasol deko guureji do'no gamoro kuullo toollu ikuurapino sumaiyokwe yiuno'no abolokaikono.

Toruda'ai Jisasol nyaboloduke toollu mollurogudo pworogai'aro kemi mollubworomokwanyokwe tooke'aro tooro wobo toru amuugonodaiyajuporogano. Toro tooro wunyu wunyu tokwe'aro yiuwi'nokai imo'nodopure togai'aro tonyu me'no kwonopo tovino tov luko morumoukuropiyo'mno aro adoporogano. “Oo a'mwo akal Gooti toolluro Kwolaiyo kuunodo tookono.” Adoporogano.

Kuujunapto kuunodo toga yiuwi'nokai kwako tomuu dugumdo kimwonyopiyo'no kuujo sumdo tov pullapullu kuuwolo'nokakwono.

Toro delowo'na'dopure tonyu Pailatol aro kuudoganokaikono. “Gooti toolluro wiyo'mwojo'moneyokwe ajesoka Kraisolo dodupudo Jisasollu adado wimonyudeyo?” Kuudoganokaikono. Toro kuudoganoka toga yiuwi'nokai kwolallo ton aro kuudopogano. “A'mwo su to kwollu i'noguropte tovi domovoromiyoguroptowosono!” Kuudopogano. Toro kuudopo tonyu Pailatol aro samuugojokaikono. “Burowo'nyo ma'no ma'nodo tov soka toolluno romiyosumonyudeyo?” Samuugojokaikono. Toro samuugojoka kuvi kuruv kwolallo su ton aki aiko te deko muunyu toru'aro guureji aro adelowo'nugoulapogano. “A'mwo su to kwollu i'noguropte tovi domovoromiyoguroptowosono!” Adelowo'nugoulapogano.