Popular Bible Verses from Matyuu 2

Share

Toro tooro kwolaiyo muudoga tool mwaloduke ago tovino kuulno sumaveyokwe kwolaiyo muudoga su tooke'aro gami ganeyago Mariyakwe'aro tonallu auloonoporogano. Toro wonyuno sumaveyokwe kwolaiyo su toolluno mido wuulugulo'no'mno sulomoropiyaporogano. Toro ilomoropino sumaveyokwe kemi kuto ivito sugumaluko amullosajupo tonyuda'ai pun daluvo'mno kwolaiyo su toollu kwiyoporogano. Gool togai'aro frenkinsens togai'aro mur togai'aro ton daluvo'mno kwiyoporogano.

Mariyav Jisasollu wagwolago Betelem toru somarokakwono. Wagwolago su tov kwako Juudiya tomuu wo'dowodokwono. Aki su toro toga a'mwo aguto kig Herootol mido amollomwallajukekono. Toro te Mariyav Jisasollu me'no somaroka toga a'mwo pi'mwo kuudokwe pworo kuujo tool sulopiyamoka tomuuda'ai aboporogano. Toro bino sumaveyokwe wagwolago Jeruusalem toru abai'movoporogano. Toro bai'mo'mno sumaveyokwe aro abuudoganomolloporogano. “Muudoga pwol Juu a'mwo abolo tonyu aguto kig wimo'nyo'moneyokwe su tool gadomuu dukomollomwakovo? Nevu su to kwolluro sullugabwo tov sulugumdo tovi imo'noduke tovi wonodowa kwolaiyo su toollu ilomoropiyo'moneyokwe abumwakuuwono.” Su toro abuudoganomolloporogano.

Toro te a'mwo pi'mwo kuudokwe tooro sullugabwo su tovuro ai'movoka tovi wonyuno sumaveyokwe ilaiyo bwotonyo soporogano.

Toro wino sumaveyokwe Gooti tool a'mwo pi'mwo kuudokwe su toorai wojo tovi'aro wiyalo'no'no Herootollomno aki aiko te novlapiyokwe duudapi kwiyokaikono. Toro kwiyoka tovino tov a'mwo pi'mwo kuudokwe su tooro kemi ago tomuuno aki aiko te plaiyo'mo tooro puuto gabovo puvi'aro avlavoporogano. A'mwo pi'mwo kuudokwe tooro me'no wuugollu'mo'mno sumaveyokwe Aguto toolluro ensel pwol Joosepollu wojo tovi'aro bwiyalo'no'no aro abuudokaikono. “Guvu ilodavo'bi kwolaiyo tooke'aro gami ganeyago tokwe'aro tonallu kwako Ijup'no lukado domokavlavono. Herootol kwolaiyo toollu romiyoso'moneyokwe a'mgono yono'mekono. Toro te guvu kwako Ijup'no mokavlavo'bi yiuno nuu agudumi toga'no aikomgu nokwo bubinekugono.” Kuudokaikono.