1
Matyuu 19:26
Gooti Toolluro Yogalokwono
SMB
Toro toorai Jisasol moroonyuno sumaiyokwe aro kuudokaikono. “Su tovi yo'mo tov a'mwo tooro ku'nono mipinokwono. Toro kuvi kuruv Gooti toolno'gwowi su tovi yo'mo tov nokwo'mekono. Gooti tool yiuwi'nokai noonyumwonyu pun yo'mo kuudo sauro'ji kuruv kaveno yonekono.” Kuudokaikono.
Compare
Explore Matyuu 19:26
2
Matyuu 19:6
Toro te Gooti tool a'mwo kwolabolo su teyaullu me'no amomgurowosoka tovino tov a'mwo kwolabolo teyaul go'no go'no miyoru'mdeyomwalo'bullu kuruv yiuno puru'mono to'no imo'nubulluneyaukono. Toro teyaullu a'mwo pwolnodo kwol kuruv nomolloru'mdowapiyo'jo.” Kuudokaikono.
Explore Matyuu 19:6
3
Matyuu 19:4-5
Toro kuudoganopo toorai Jisasol kuudokaikono. “Kevu Gooti toolluro yogalo sakwollungiko tonyu mamojagilodupudorekuldeyo? Yogalo puruv aro sakwollungikokwono. Muudu'nodo toga Gooti tool yiuwi'nokai tonyu yakwollo'no yiuno a'mwo tookeno abolo tokweno sokwollosokaikono. Su toro sakwollungikokwono. Gooti tool su toro yokwollosuno sumaiyokwe aro adokaikono. A'mwo pwol gami kuunum kwolabolo teyaullu wuugollu'mowo'ji abolo puruv maronekono. Toro teyaul guro'mwonyo'bullu kulako yiuno puru'mono imo'nubulluneyaukono. Adokaikono.
Explore Matyuu 19:4-5
4
Matyuu 19:14
Toro kuvi kuruv Jisasol kuudokaikono. “Kwolaiyo taiyo numiyomno bodopure tonyu kevu uumjukuto mipinono. Nokwo wonyapino julo. Su tov aro tovinokwono. Muunyu kai'muuda'ai aguto kig toolluro mido mollomwalo tovi dolago tomuu kuulomwallo'mo tov a'mwo abolo ton yiuno kwoloraiyo akanbusuko sumo'nupi tono nokwo kuulomwalpinogano. Su toro tovinokwono.”
Explore Matyuu 19:14
5
Matyuu 19:30
Lukomgu su toro toga, agasuro aguto billumo'nodapudo bwotonyago tooro aiyowo'mo nobwollumo'napinorogano. Aki agasuro aiyowo'mo bwollumo'nodapudo su tobuurono'gwowi su toro toga aguto nobillumo'napinogano.” Jisasol toro kuudokaikono.
Explore Matyuu 19:30
6
Matyuu 19:29
Aki a'mwo abolo mino kuudo anubwepi ton kwako akavi kuuno mwalopi toga kemi agodeyo oo kuugwai'yagorodeyo oo jo'mwodeyo oo kuuneyagodeyo oo kuunumiyagorodeyo oo kwoloraiyodeyo oo womdodeyo tonyu nuugollu'mopinogano. Yiuwi'nokai kuugollu'mopi su tonyuno lukomgu muuduko pun nomapinogano. Yiuwi'nokai noonyumwonyu kuugollu'mopi su ton muuduko amapi toga Gooti tool 100-pela pugai'aro muunyu toru nuuwiyonekono. Aki a'mwo abolo su ton aiyo yiunokuudo mujomwekovlaiyo'moneyokwe tovi maropi yiunokuudo nomjomwekovla'mwalpinogano.
Explore Matyuu 19:29
7
Matyuu 19:21
Toro kuudoka toollu Jisasol aro kuudokaikono. “Guu puvino supto kuuno sadokuuno. Guu plavo'bi gumoro yiuwi'nokai kuto ivito su tonyu a'mwo pworo neya agubipuro. Su toro agubipi tonyuda'ai nuugwiyo tov momworaro'bi a'mwo abolo apoo'nyaiyo tobuurai neya duuwiyono. Guu su toro subi tooku lukomgu Gooti toolluro ago toru sulomwalbi toga sugumaluko kuunodo punyu noma'binekugono. Aki guu mi neya donumjunono.” Kuudokaikono.
Explore Matyuu 19:21
8
Matyuu 19:17
Toro kuudoganoka toollu Jisasol kuudokaikono. “Sugudo tool yiuno Gooti pwolnodo toolnodokwono. Toro tovino tov guu sugupasudo tonyuno buro'nyo'mo donyudoganmwakuno? Gumoro anyudoganmodo tovino aro gudumo'mokwono. Guu aiyo yiunokuudo mujomwekovlaiyo'moneyokwe tovi mallo'mo agujuno'ji tov Gooti toolluro loowo tonyu neya duumjunogawono.” Kuudokaikono.
Explore Matyuu 19:17
9
Matyuu 19:24
Toro te aki aiko te ikudumo'mokwono. Sa'ai kemel pwol lodo tovi wuulo kuulopiyodapudo nodobuullo tovi'aro kuullo'mo tov kavenodo'maiyo. Su toro to'busuko kubalno a'mwo kuto ivito bwotonyagokwe tekwo aguto kig Gooti toolluro mido mollomwallo tovi kuullo'moneyokwe to'gwowi kaveno mwimo'nonekwogano.” Kuudokaikono.
Explore Matyuu 19:24
10
Matyuu 19:9
Aro ikudumo'mokwono. A'mwo pwol gami abolo tov a'mwo pweke kwonyalo miyodowodo tovi molleru'mdowapiyowo'ji abolo muuduko puruv amaro'ji tov a'mwo su tool kwonyalo yonekono.” Kuudokaikono.
Explore Matyuu 19:9
11
Matyuu 19:23
Toro te Jisasol gami uumjunyokwe toorai kuudokaikono. “Nebal'no ikudumo'mokwono. A'mwo kuto ivito bwotonyagokwe pwekwo muunyu kai'muuda'ai aguto kig toolluro mido mollomwalo tovi kuulomwallo'mo tov kaveno mwimo'nonekwogano.
Explore Matyuu 19:23