Popular Bible Verses from Mollurolovomato 11

Share

Toruda'ai Gooti Yawel Moosesollu aro kuudokaikono. “Nuu Ijupda'ai Feroo tooke'aro gamoro a'mwo abolo togai'aro tonyu tabunyuwuulo uubweyodumdo toonyu aiyowo'mo puruv uubwemonyugono. Toro me'no kuubwemi toga Feroo tool kavo mirolovekwapiyo'mo kwol kuruv guureji bilomovomjekwopiyonekono.

Toro somollumi toga yiuwi'nokai Ijupda'ai tonyuro kwolaiyo sujuraiyo tooro nobolpinorogano. Guu sia kig tovi mwalodumdo Feroo tookujuro kwolaiyo sujuraiyo sawosunodo tooke'aro aki abolo ki'nato womdokwe ton wit sulo gurojodupudo tobuuravuro kwolaiyo sujuraiyo kworogai'aro tooro nobolpinorogano. Aki sipsip meme buulmokau wuulo ki'duvolodupudo tooravuro yiuwi'nokai sujuraiyo yawosunodupudo kworo kuruv nobolpinorogano. Toro bolodopure toga Ijupda'ai a'mwo abolo ton kumdato bwotonyo tov aiyowomno mujomoulapinogano. Kumdato bwotonyo imo'nono su tov aiyoga su toro to'busuko puruv majajupokwono. Aki lukomgu kuga kuruv su to'busuko puruv madupinokwono.

Sumdomgu toga Gooti Yawel Moosesollu aro me'no kuudokaikono. “Feroo tool gumi maguu'nyubusuko yonekono. Toro yodowo'jure tovida'ai moro duuwallo jurogudo bwotonyago ton kwako Ijup toru nokwo wuuduuwallumonyugono.” Kuudokaikono.