Popular Bible Verses from Mga Binuhatan 14

Share

“Ano't-a ro inyong ginaobra ngara? Mga tawo man kami pareho kinyo. Iya kami sa pagsugid kinyo ku Mayad nga Balita agod talikdan eon ninyo ro pagsimba sa mga bagay nga owa it pueos, ag magsimba eon kamo sa buhi nga Dyos nga nagtuga ku eangit, eugta, dagat ag ku tanan nga una nga nagakabuhi.

Nagapamati imaw sa ginahambae ni Pablo. Gintueok imaw ni Pablo ag hakita nana nga nagapati ro tawo ngato nga mapamayad imaw. Ngani ginhambae imaw it mabaskog ni Pablo, “Tindog!” Matsa pumisik ro tawo ngato halin sa anang ginalingkuran ag nagtinikang paadto-pabalik.

Ro mga tumueuo sa kada lugar ngato hay ginbutangan nanday Pablo it mga magadumaea kanda. Nagpuasa dayon sanda ag pagkatapos hay ginpangamuyuan ag gintugyan ro mga tumueuo ngato sa Ginuo nga andang ginatuuhan.