Popular Bible Verses from Génesis 50

Share

Li vo'oxuque laj anopic ti chavuts'intaicune, pero li Diose la sc'atajes ta lec, yu'un chac' jcolta ep cristianoetic yo' ti mu xchamic ta vi'nal jech chac c'u cha'al ta jpas chavilic li' ta orae.

Pero li Josee jech laj yal: —Mu xaxi'ic. Li vu'une mu xu' ta jpas jba ta Dios.

Ja' yu'un mu me xaxi'ic. Vu'un ta xcac'boxuc ave'elic achi'uc li avalab anich'nabique —xi. Li Josee la spatbe yo'ntonic li sbanquiltaque, yu'un toj lec ti c'u x'elan la sc'opane.

Jech xavalbeic li avits'inique: ‘Pasbuncutic perdón yu'un jmulcutic ti chopol c'usi la jpasbotcutic ta vo'one, vu'uncutic li abanquiluncutique, utic’, xiyutuncutic. Ja' yu'un ta jc'ancutic vocol ta atojol ti ac'o ach'ay ta avo'nton jmulcutic, vu'un li yajtuneluncutic Dios yu'un anima jtotique”, xiic batel. C'alal ja'o jech sbats'il yalbel José li boch'o stacojbeic batel mantale, li Josee i'oc'.

Ta yan c'ac'al li Josee jech laj yalbe li xchi'iltaque: “Li vu'une jutuc xa sc'an sta yorail chicham, pero li Diose ja' chtal scoltaoxuc. Chavilbeic ono'ox svu'el ta ts'acal. Ja' chayic'oxuc loq'uel li' ta banamile. Chbat yac'oxuc te ta banamil ti bu yalojbe ono'ox jmoltotic ta vo'one chac'bee, ja' li Abrahame, li Isaaque, xchi'uc li Jacobe”, xi.

Li Josee laj yalbe sbanquiltac ti ac'o yalic ta stojol Dios me tspasic li c'usi chalbee. Jech laj yalbe: “Li Diose ta melel ta ono'ox xtal scoltaoxuc. Chavilbeic ono'ox svu'el ta ts'acal. C'alal me ic'ot ta pasele, albicun ca'ay ta stojol Dios ti chavich'bicun loq'uel li' ta Egipto li jbaquile”, xut.

Li Josee te icham ta Egipto. Yich'oj xa'ox lajuneb svacvinic (110) jabil ti c'alal ichame. La xpoxtabeic lec li sbec'tale yu'un jech mu xc'a'. La stiq'uic ochel ta cajón.