Popular Bible Verses from Génesis 45

Share

Avocolicuc, mu me xavat avo'ntonic; mu me xlo'ilaj avo'ntonic ti jech laj achonicun tale. Yu'un jech la sc'an Dios ti ba'yuc la stacun jelovel tal avu'unique, yu'un jech mu'yuc boch'o chcham ta vi'nal.

Ja' Dios stuc la stacun tal, ma'uc vo'oxuc. Ja' Dios la stic'un ta abtel li'i yu'un jech jchi'inoj ta abtel li muc'ta ajvalil faraone, xchi'uc ja' laj yac'bun jventainbe scotol li c'usitic oy ta snae. Xchi'uc ja' Dios laj yac' ti vu'un ta jpas mantal ta scotol li Egipto banamile.

Ja' yu'un li Diose ba'yuc la stacun jelovel tal, yu'un jech xu' ta jcoltaoxuc sventa mu xachamic ta vi'nal; jech cuxul chacomic li' ta banamil.

Pero li Josee jech laj yal: —Avocolicuc, nopajanic tal li'i —xut. C'alal inopajic batel ta stojol li Josee, jech i'albatic: —Vu'un Joseun, vu'un avits'inicun ti laj achonicun tal li' ta Egiptoe.

Chib xa jabil ti oy tsots vi'nal li' ta banamile, pero sc'an to yan vo'ob jabil ti mu'yuc c'usi xu' chch'i ta banamile, ti mu'yuc c'usi xu' chloc' cu'untique.

Li Josee jech laj yalbe li sbanquiltaque: —Vu'un li Joseune. ¿Me cuxul to li jtotique? —xut. Muc xtac'ov ic'otic, toj ep ixi'ic te ta stojol li Josee.