Popular Bible Verses from Éxodo 9

Share

Pero li' to cuxulot cu'un, yu'un jech chcac'bot avil c'u x'elan li jvu'ele, yu'un jech ac'o vinajuc batel jbi ta scotol banamil.

Li Muc'ul Diose jech laj yalbe noxtoc li Moisese: —Batan ta stojol li faraone. Jech xavalbe: ‘Jech chayalbot li Muc'ul Diose, ja' li Dios yu'un hebreoetique: Coltao batel li jteclum cu'une yu'un chbat yich'icun ta muc'.

Li vu'une xu' cu'un chacac'bot avil jvu'el, xu' cu'un chacac'bot atoj amul xchi'uc scotol achi'iltac ti jechuc ta jc'ane, jech ta x'ul o ats'unubal li' ta banamil ti jechuque.

ta me xcac' tal jtsatsal svu'el ta stojol li ats'unub avovolique. Ta xcac' tal tsatsal chamel ta atojolic, jech ta xcham li aca'ique, li aburoique, li acamelloique, li sme' avacaxique, xchi'uc li achijique. Yan li sts'unub yovol israeletique mu'yuc jech ta jpasbe jech chac c'u cha'al ta jpasbe ats'unub avovolic vo'oxuc li egiptooxuque. Li sts'unub yovol israeletique mu'yuc ta xcham jcotuc’, uto c'otel —x'utat yu'un Muc'ul Dios li Moisese.

Lec oy ti me jech avo'ntone. Oc'om ta jcocan yalel tal epal bot ti mu'yuc ono'ox baq'uin jech xyal tal c'alal lic yich' va'anel li Egiptoe xchi'uc c'alal to tanae. Ja' lec alo mantal ti ac'o yich' tsobel ochel ta na scotol li ats'unub avovole xchi'uc scotol li c'usitic oy avu'un ta avosile. Yu'un li bot ta xyal tale ta smil scotol cristianoetic, xchi'uc ats'unub avovolic me ta osilaltic no'ox oye, me muc chaviq'uic ochel ta nae, xayutot li Muc'ul Diose’, uto —x'utat li Moisese.

Li tane ta xc'ataj ta pucuc, jech ta spuc sba batel ta scotol li Egipto banamile. Scotol li cristianoetic xchi'uc li chonbolometic yu'unique ta xch'i ep ch'ieletic ta sbec'talic; ta xlic c'a'uc li sbec'talique —x'utatic. Li Moisés xchi'uc Aarone laj yich'ic batel li tanil c'oq'ue; ibatic ta stojol li faraone. Li Moisese te ic'ot svij muyel ta toyol li tane. Jech li cristianoetic xchi'uc li chonbolometic yu'unique ich'i ch'ieletic ta scotol sbec'talic.