Popular Bible Verses from Éxodo 23

Share

Vu'un no'ox xavich'icun ta muc'; vu'un li Muc'ul Diosun avu'unique, jech ta xcac'be bendición li apanique xchi'uc li ava'alique. “Mu'yuc ta xcac' taluc chamel ta atojolic. Mu'yuc ta xcac' chamanic ti c'alal mu to avorailicuque. Xchi'uc mu'yuc chloc' junuc ants ta alumalic ti chyal yole xchi'uc ti mu sna' x'alaje.

“A'yo ava'yic, ta jtac tal ta atojolic caj'almantal, yu'un ja' chaxchi'inoxuc batel ta be; ja' chayic'oxuc batel ti bu chapanbil avavilic cu'une.

Me ta melel chach'unic, xchi'uc chapasic scotol li c'usi laj calboxuque, ja' cajcontra chc'ot ec li avajcontraique, xchi'uc ta xcac'be svocolic ec li boch'otic chayac'boxuc avocolique.

“Mu me ja'uc xats'aclinic ta spasel c'usi chopol li boch'o epique. “C'alal chaval ava'yejic ta stojol jchapanvanejetique, mu me ja'uc xachanic c'usi chopol tspasic li boch'otic epique. Mu me ja'uc xavac' ta avo'ntonic li c'usi mu'yuc tuq'ue. Mu me xavovil tic' abaic ta spojel li me'onetic c'alal me oy smulique.

“Mu me xavalic c'usi mu meleluc; mu me xachi'inic li boch'otic chopolique, yu'un jech mu teuc xa'ochic ta j'epalc'op testigo yu'unic ta sventa li c'usi chopol tspasique.