Popular Bible Verses from Éxodo 20

Share

“Vu'un Muc'ul Diosun avu'unic. Vu'un la jloq'uesoxuc tal ta Egipto ti bu to'ox tiq'uiloxuc ta mozoile. “Mu me xavich'ic ta muc' yan diosetic. Jtuc no'ox xavich'icun ta muc'.

“Mu me xapas yan adiosic. Mu me xapas ta adiosic li c'usitic oy ta vinajel, ta banamile, xchi'uc ta nabetique. Mu me xaquejan abaic ta stojol; mu me xavich'ic ta muc'. Yu'un vu'un jtuc Muc'ul Diosun avu'unic, vu'un Diosun ti toj it'ix co'nton me yan c'usi chavich'ic ta muq'ue. Li boch'o mu xiyich'un ta muq'ue ta xcac'be xcuch smulic c'alal to xchanc'olal smomnich'nabic.

“Ich'o ta muc' atot ame', yu'un jech jal chacuxi te ta banamil ti bu chacac'boxuc vu'un li Muc'ul Diosun avu'unique.

“Na'ic me li sc'ac'alil chacux avo'ntonic sventa chavoc'bicun ta jventae.

“Mu me xavixtanbicun jbi, vu'un li Muc'ul Diosun avu'unique. Yu'un li boch'o chiyixtanbun jbie ta me xcac'be stoj smul.

Vaquib no'ox c'ac'al xu' cha'abtejic, xu' chapasic scotol li avabtelique. Yan li svucubal c'ac'ale ja' xcuxubil avo'ntonic; ja' sventa chavich'icun ta muc', vu'un li Muc'ul Diosun avu'unique. Mu me boch'o spas jchopuc abtel avu'unic li jun c'ac'al le'e. Manchuc me vo'ot, me aquerem, me atseb, me amozo, me aquiara, me aca', me avacax, me yanlum ti co'ol te nacaloxuc achi'uquique.

“Mu me xapich'-o'ntabe sna achi'ilic. Mu me xapich'-o'ntabe yajnil achi'ilic, me smozo, me squiara, me xvacax, me sburo, o c'usiuc no'ox yantic oy yu'un”, xi li Diose.

“Mu me xanopbe smul achi'ilic.

“Mu me xamulivajic.

“Mu me xamilvanic.

“Mu me xa'elc'ajic.