Popular Bible Verses from Bimwa 22

Share

Nga Alpha na Omega, mwè tabocho na mwè chima, mwè bophotiche na bochukele.

Bokieka, nga ya dyolo, nga taya n’iwuta tonga n’i wuta moto ikika ko matoma ma wango madi bona.

N’Eyaye na mwatò a bolonga balobe bwe: ”Yaka,” na koncha wango ewoke mawò ma, alobe bwe: ”Yaka,” na koncha wango edi na phocha may, tika wango aye, akwa may ma bomwè bwabona.

Edi moni na bakoncha bango bachoze bilamba ba bango tonga n’idyala banyèki, tonga n’idya mbuka a molange ma bomwè na tonga n’ikola o cha mboka a tata muna ma yango.

Bokieka, nga ya dyolo. Edi moni na koncha wango batele mawò ma mibandi mango makòtibaki o buku bu.”

Na tedyala dyò makolo twa, dyò tidyali na phocha phololo a mwenda nyò a bucha, tonga Nzambe Mokonchi talangiza ikolo na bango, na bango tadyala bakomandi o cha wango biteneli o biteneli.”

Na koncha wango echilole mawò ma alobe bwe: ”He, nga yengo oya!” Amen, Yaka, Mokonchi Jésus! Tika grâce a Mokonchi Jésus edyale na beni bachò.

Nga chilole na bakoncha bango bawoke mawò mango malakibaki, mango madi o buku bu bwe: ”Koncha wango edyatinye mawò mango madi o buku bu, Nzambe tayaka machèbo machò mango makòtibaki o buku bu ikolo na wango, na koncha wango eyake mawò makbwi ikolo na mawò mango malakibaki, Nzambe tamicha wango o ika a wango a mbuka a molange ma bomwè, na ika a wango a mboka echwa, dyango ikòtibaki o buku bu, dyò tiphèbi na wango.”