Popular Bible Verses from Philippien 4

Share

Todyalake n’iphanu o eyeka nyò yò, ko, tika madingo ma beni machò mayebibe o bocho ba Nzambe, boyongaka wango na bochomboko wango na bophè wango ingòko.

Na phi a Nzambe yango elèki bolèngi bochò bwango tochoba mitema ma beni na bichimunye ba beni o ch’a Jésus Christ.

N’iwò akbwi, banyango ba baphele ba nga b’èbati a Nzambe, beka bichò byango bidi nènè, beka bichò byango bidi binyèki na botochibe, beka bichò byango bidi n’èchwa, beka bichò byango bidi cheche, beka bichò byango bidi edyalele enyòngò, beka bichò byango bidi ewokele enyòngò, mo botoma bonyòngò na botoma bwango bodi bonyèki iyamba botochibe bidi o ch’a byango owana bochimunyaka byango.

Nga yiche bokiele beka bichò na koncha wango elendize nga.

Bochangaka o ch’a Mokonchi kokoko, na nga lobe dyòkò, bochangaka.

Nzambe a nga taphè beni beka bichò byango beni bodi na phocha, ko bomandi ba wango bodi bona o botochibe o ch’a Jésus Christ.

Beka byango beni boyekolaki na boyambaki na boyènèki na bowokai na nga, bokielaka byango, na Nzambe a phi tadyala na beni.

Tika chabo a beni eyebibe na bato bachò. Mokonchi modi mpoli.

Nga yiche bodyale o ch’a boyoko, na nga yiche bodyale o beka binyolo, o beka bichò na o mayombo machò nga bimèchènè bodyala na dyuta, n’echoko edyala na nchala dyòkò.

Okomo nga lobe mawo ma edi odyala tonga bwe, nga chengai eyeka ka, tonga nga yekolaki bodyale na motema ma phi o edyalele yango nga di echò.