Popular Bible Verses from 1 Timothée 6

Share

Omanaka bita binyòngò b’èchingane, obaka bomwè butenela, k’obwangibaki tonga n’iwò dyango, okomo k’òchakolaki Jésus o michò ma bandèngè bakama.

Tonga tin’a beka bibè bichò edi mokata ma mbongo, bana baninga bango baluphaki idwa baphambwaki o manè m’èchingane na bakibizaki mitema ma bango makiba makama.

Echingane a Nzambe n’èchoko motema mochundaki bichanganaki biya na motuya mokuli.

O bango babotaki bèni o che owoni, bèni boboya na beka ka, nà bèni bodi oyicha bolangwe na beka ka.

Otindaka bato bango badi bamandi o bobiko bu tadyalake na nganga, na tadyalake n’ichena a bango o idwa, dyango idi oyicha botenele ka, ko, bochenizaka Nzambe koncha wango aphè bèni beka bichò bilèki bikama, tonga bèni todyala nyèmu na byango.

Ko, bakoncha bango badinge bodyale bamandi, bango bakwe o maphèphè na bawuche o meya, na baphongo b’ingè, bakama bango badyobo, na babwake bato o ibomi n’ènongo ichumbana.

Otindaka bango bakiele ekielele enyòngò, badyalaka bamandi o ch’a matoma manyòngò, badyalaka bakabi, bachanganaka na baninga o ch’a kièlèlè, bakonginyaka kobona nchalela enyòngò o machu mango taya, echoko bango taba bomwe butenela yango.