Popular Bible Verses from Roma 8

Share

At Allah ede opoluk nis yoʼgo nenebesirik, nis at ebe nenede welege aʼge, at emin welat, di aʼge yu aʼge op nak emagoluk, taknenebasu nenaluk o.

Asogo aʼgeat de, Allah nenebe ede en nonue ʼgain Onuk Logo aʼge Kristus Yesus woknentesimu ebe waraga ai pam emin hwedik oruakma nenebe waromma emin, nenelaluk wolomma emin, ai en daktak nonobo mia o. Malaikat ʼbogorl pam yoʼgo noʼgwi aʼge eba logon emin, ʼbogorl pam enanni oruak aʼge eba logon emin en, daktak nonobo miayat o. Di aʼge yu aʼge yogodak ago aʼge emin, pobuk ema aʼge emin, eba en daktak nonobo miayat o. Ye, anni oruak aʼge eba logon emin en, daktak nonobo miayat o. Ye, di aʼge yu aʼge ʼbogorl pam welago aʼge emin, opma ogodima welago aʼge emin en, daktak nonobo miayat o. Ye, Allah en walhesi aʼge mu aʼge mesik en daktak nonobo miayat o. At Allah en nenebe edeapnenebesimu, Kristus Yesus tegei ai pam, ʼberlegat asogo wiagapnenebasuam nis daktak nonobo mia o. We, aphwami wolloʼgen dagalogo waronoboluk enanni agai ʼgelaʼge, nenanni aga lege oluk nak e, pobi taga legi o.

Asogo yetharok welat e, nis nenebe mabenat oruakma re, Allah Arogun en letnentasu o. Nis Allah yoʼgo pouwogoluk neniak noʼgosogo ul oluk neneperlak oruakma re, Allah Arogun en aphwami eniak pam u puk aʼge, ede oborlogouk eselat Allah yoʼgo pasu.

Wene ʼberlek ai paget, nis noʼgosogo ul. Allah nis oruak oʼgwe ago holuk, sa en mabenapnonobo no. Mia o.

Yogodak nis Kristus Yesus emin hwedik welege aʼge Allah en wene nenebam poluk wiagapnonobua erlak o.

Aphwami enebabut onotogat welat togwi aʼge ebam eberogu lema holuk, ologun pam e, enebe modok warema ai o. Aʼgeat de, Allah Arogun en onogola ʼgagalisoam togwi aʼge ebam eberogu lema holuk, enede haʼbuksogo enelaluk modok welema aiat o.

Asogo aʼgeat de, Allah nenebe ede en nonue ʼgain Onuk Logo aʼge Kristus Yesus woknentesimu ebe waraga ai pam emin hwedik oruakma nenebe waromma emin, nenelaluk wolomma emin, ai en daktak nonobo mia o. Malaikat ʼbogorl pam yoʼgo noʼgwi aʼge eba logon emin, ʼbogorl pam enanni oruak aʼge eba logon emin en, daktak nonobo miayat o. Di aʼge yu aʼge yogodak ago aʼge emin, pobuk ema aʼge emin, eba en daktak nonobo miayat o. Ye, anni oruak aʼge eba logon emin en, daktak nonobo miayat o. Ye, di aʼge yu aʼge ʼbogorl pam welago aʼge emin, opma ogodima welago aʼge emin en, daktak nonobo miayat o. Ye, Allah en walhesi aʼge mu aʼge mesik en daktak nonobo miayat o. At Allah en nenebe edeapnenebesimu, Kristus Yesus tegei ai pam, ʼberlegat asogo wiagapnenebasuam nis daktak nonobo mia o. We, aphwami wolloʼgen dagalogo waronoboluk enanni agai ʼgelaʼge, nenanni aga lege oluk nak e, pobi taga legi o.

Nis o yogodak welege ya pam e, di obotut yu obotut hogu lege ai, weiyat ʼgelaʼge o. Aʼge re, pobuk, Allah en nenebe ʼget mu aʼge taknenebasuam e, erliknonobua ai nak e, logat o. Holuk e, emin walhoma re, emin hegit erlak, oluk nogola epasu legi o.

At Kristus nenebe ede en emin hwedik oruakma re, sa en daktak nonobo no. Di obotut yu obotut taknenebasulat, eʼgin aʼge nenebam pasulat, tuema en de, ai en daktak nonobo no? Mia o. Aphwami en e, “Henebe Allah eiyagai o,” oluk wiagapnonobu ai en daktak nonobo no? Soʼboru obuk agalat, nonosum di aʼge yu aʼge nenerlagaik agalat, tuema en de, ai en daktak nonobo no? Yuk ogulat, nenebe watnonobogulat, tuema en de, ai en daktak nonobo no? Mia o.

Asogo yoʼgo pasumu re, at Allah en nonogola modok ʼbenerisoma no oluk e, at uʼgwarek ogola epasu aʼge hegitsogo, at Arogun en at eiyagai enebaget yoʼgo pasumu pobi tiso yo.

Allah en Arogun wokhentasu ai re, aphwami enebe is logon eneragam aʼge welat enebabut onogorloktak welat togwi ai ʼgelaʼge, takhonobogu lemagoluk wokhentasu puk. We, at Allah uʼgwarek eiyagai takhenebasulat, yoʼgulhonobuagoluk wokhentasu o. Ai en e, is aphwami Allah Arogun en wogonoboluk noso aʼge, enebe loʼbok e, enebe Allah eiyagaiat oruak o. Asogo welat nenebe Allah Arogun pam heʼberik poluk welat e, disogo ogu lege, “Naik Allah, naik Allah,” oluk neniak ʼbaksogo ogu lege ai o.

Is logon en aphwami enebabut onotogat welat togwi aʼge enebabut wogwi aʼge ai, onogola re, wene aphwami aʼgeat ebam eberogwi o. Ye, is logon en Allah Arogun ebabut wogwi aʼge re, onogola wene at aʼgeat ebam eberogwi o.

At uʼgwarek omlogo ede om erlakma en, nis ʼberlegat nenebaget waremagoluk perakpou waga. At ebabut op en asogo woknentesirik e, di aʼge yu aʼge ebam louksogo woknontouwa erlak no? Woknontouwayat o.

Asogo ogu lege ai re, at Allah Arogun en, “Henebe Allah eiyagai o,” oluk moʼgulnentasuam, nis nenedemu en ogu lege ai o. Nis nenebe Allah eiyagai holuk e, at Kristus di obotut yu obotut hesi ʼgelaʼge, hul holuk, Allah en nis Kristus eminat erliknonobua ai en e, Allah en di aʼge yu aʼge at eiyagai wogentaigoluk obok moʼgulentesi aʼge ai, at Kristus eminat woknontoma, eiye wolomul o.

Aphwami enebabut onotogat welat togwi aʼge ano pam eberogulat, Allah eragam ʼgoluk iak hologo wolom mia en hologo welagai erlak ai en, at emin hwerlirak welagai o.

ʼBogorl ʼgwiang di aʼge yu aʼge Allah en walhesi aʼge yema en e, “Allah eiyagai enebe muat tagenebasuam selakma erligonobua ai metne erlige ema,” oluk, alik worogwi.

Hwami en, enemalik dagonobogulat e, onoʼborl nonouk wiaksogo togulat enede oborlogouk oso ʼgelaʼge, ʼbogorl ʼgwiang di aʼge yu aʼge Allah en walhesi aʼge yema ʼberlek o page enat nonouk tagalat enede oborlogouk ogwiat o.