Popular Bible Verses from MENGKAAA 6

Share

Ka kukitao: Menteeano, hinao aasa ngara molowulu mongkuni ka mia anu mesawikio meneeako i Matea ka poparentaano matea tumondao. Ka ndi ondae mempinoweeako pabawa a asa ntia opaano tolino ka dompompepateako ponai, ka mokoninggoa ka haki lele, ka saru luwuno kondehora lambaha anu i tolino.

Ka kukitao: menteeano, hinao aasa ngara mopute ka mia anu mesawikio mo'ini aasa pana ka ndi onae wineeako aasa ramba-ramba ulu. Ka i'amba lumako kana poponangi ka ihaweo ponangia.

Ka tempono Ana Bimba atuu umungkahio pontondoni anu ko'olima, kukitao i totono meda pontunua pesomba luwuno sumangado anu mempinepate iramo hangano pau-Do Ue Ala ka hangano ponsakosii anu ininido.

Ka mpebooli ira saru suara meroku, dompotae, ”Opiapoke tehineno, oo Anu Pabawa anu mempori ka mentee, Omiu nahi pobitara ka nahi pombaloakono reamami ndi ondae anu mpo'ia i tolino?” Ka ndi ondae singge mia pinoweeako aasa lemba meloe mopute, ka ndi ondae pinotaeako, nine ondae asalakono mpenaa-naa mbo'u sarai ranta ka isompo doado walido mpompekakaako ka luwuno pepaekompodo, anu ira mempinepate mengkena kana ondae.

Ka meluarakoomo aasa ngara susua, aasa ngara motaha ka mia anu mesawikio pinoweeako pabawa ka i'alao rodoa inso i wawontolino, ranta ka domambepepate, ka ndi onae pinoweeako aasa ponai anu langkai.

Hangano haweomo oleo langkai tekuda-Do ka isemake mokompekorahako?

Ka kukitao, tempono Ana Bimba atuu umungkahio pontondoni anu ko'onoo, menteeano gagiomo leelu anu mongkokongiri ka mata'oleo gagi mo'ito kana kampili wuu ka wula gagi motaha luwuno kana rea. Ka anano wula i langi ntedodonta i wawontolino kana keu ara morontahi wuano anu momata, tewala ileluo angi anu mokora.

Ka tempono Ana Bimba atuu umungkahio pontondoni anu ko'otolu, kurongeo anu tuwu anu ko'otolu motae, ”Aiwa!” Ka kukitao: menteeano, hinao aasa ngara mo'ito ka mia anu mesawikio mo'ini aasa pontimba a ngkaeno. Ka kurongeo kana hinao suara i tonga-tongado opaa anu tuwu atuu motae, ”Aasa ponsa'u gandu aasa dinare olino, ka otolu ponsa'u jelai aasa dinare olino. Sine si sosa'orio lana ka anggoro atuu.”

Ka tenonoomo langi kana paluluno wunta anu pinalulu ka tepaheomo luwuno torukuno ka togo inso a mpo'iangano. Ka luwuno mokole i tolino ka anu langkai potorodo saru luwuno petewawado sorodadu, ka mia mengkaea saru mia mempabawa, ka luwuno ata saru mia maradeka mpewuni a laro luwuno kunepo ka olo-olo watu a ntorukuno.