Popular Bible Verses from MENGKAAA 3

Share

Kitao, mentade Aku i arono pewowa ka metingko-tingko; tewala hinao mia anu rumongeo suara-Ku ka umungkahia-Kune pewowa, Aku koa mewinso tepohaweakono ka Aku mongkaa meronga saru onae, ka onae meronga saru Ongkue.

Kuto'orio luwuno inanggamu: omue komba morini ka komba mokula. Tedoa moiko tewala moriniko ke mokula! Gaagi hangano omue melaho-laho, ka komba morini ke mokula, Aku lumuako inso a nganga-Ku.

Ba isema Kupehohawao, Kukuahakono ka Kusepio; onaemo pu'uno peweengakonomo aroamu ka tepidimo!

Kuto'orio luwuno inanggamu: kitaomo, Ku'ungkahiakomumo pewowa, anu nahina maupo te'asa mia mokotondoo. Kuto'orio nine rosomu nahi te'asa hapa, sine utondao pau-Ku ka nahi uhapuo nee-Ku.

Ba isema monangi, onae Aku montoroo meronga saru Ongkue a wawo ngkadera poparentaa-Ku, kana Ongkue mbo'u monangi Akumo ka mentoro meronga saru Ondae Ama-Ku a wawo ngkadera poparentaa-Do.

Hangano motaeko: Kaea aku ka kupokokaeaomo koroiku ka nahina makuraku hapa-hapa, ka hangano nahi uto'orio, nine marasaiko, ka urasa'o, mongkokolaro, morawu ka kolambe-lambe

Hangano omue tumondao pau-Ku, ka upompedato sumikori Aku, ka Ongkue mbo'u Aku kumaduduiko inso a oleo po'ara-arahakoa anu ta hawe i asa wawontolino ka dome'inara-arahako anu mpo'ia i tolino.

Aku ronga hawe. Iniomo hapa anu kongko ndi omue, ka si hina maupo te'asa mia umalao ramba-ramba ulumu.

Pewangumo, ka pokorosoomo hapa anu da mo'ia anu mingkiomo mate, hangano nahina maupo te'asa inso a inanggamu Kuhaweo soompo ntu'u i aro-Do Ue Ala-Ku.