Popular Bible Verses from MENGKAAA 22

Share

Ongkuemo Alfa ka Omega, Anu Amba-ambano ka Anu Telembui, Anu Pompu'uano ka Anu Pokotompaano.”

”Menteeano Aku ronga hawe ka Kuwawao tambo-Ku ka isinuloako sompo mia montonda wineweuno.

Penaa ka umbu ngkoroi beine atuu motae, ”Aiwamo!” Ka ba isema anu rumongeo, ka ipotaemo, ”Aiwamo!” Ka ba isema anu mokoranga, ka i'aiwamo, ka ba isema anu behe, ka i'alaomo mpena uwoi tuwua!

Meme'ura iramo anu melomboo lemba meloedo. Ondae ira mpohawe tia a luwuno keu tuwua ka mpewinso telalo a luwuno pewowa langkai melako a laro ngkota atuu.

”Menteeano Aku ronga hawe. Me'uraomo mia anu tumondao luwuno pinau anu ta gagi a wunta andio!”

Ka wongi nahi ta hina mbo'u i ra'ai, ka nahi dompongkere wantano hulu ka wantano mata'oleo, hangano Ondae Ue Ala Ira mokomewine ira, ka ira pomparenta kana mokole ranta nahina tampulaano.

Ondae anu mesakosii mongkona luwuno andio, mepau, ”Humbee, Aku ronga hawe!” Ami, I'aiwamo, Ue Yesu! Pe'aroa-Do Ue Yesu kumongkomi komiu luwu! Ami.

Mesakosii aku a sompo mia anu rumongeo luwuno pinau anu ta gagi inso a wunta andio, ”Tewala asa mia tumiangiakono hapa a luwuno pau andio, asalakono Ondae Ue Ala Ira tumiangiakono luwuno masolaa anu teburi a wunta andio. Ka tewala asa mia hinao inoninino inso a luwuno pau a wunta pinau anu ta gagi andio, asalakono Ondae Ue Ala Ira umalao tiano inso a ngkeu tuwua ka inso a ngkota mempori, kana anu teburi a wunta andio.”