Popular Bible Verses from PILIPI 4

Share

Si mporerengkoo mongkona hapamo koa, sine impokomengkaaomo a luwuakoano po'ehemiu ndi Ondae Ue Ala a laro mpekakai ka po'ema saru pontarimakasi.

Rodoa inso ndi Ondae Ue Ala, anu lumaloio luwuno akala, ta mekariao aroa ka pinewowolomiu ndi Ondae i Kerisituu Yesu.

Gaagi poko'ariano, pepaekompo, luwuno anu mentee, luwuno anu maramba, luwuno anu moleo, luwuno anu mempori, luwuno anu mo'ahi, luwuno anu momoiko irinonge, luwuno anu pinau moiko ka tekona inunde-unde, impewowoloomo luwuno atuu.

Luwuakoano kupokotembio ndi Ondae anu moweeakune roso.

Impo'undemo mpiha ndi Ondae i Ue! Pohonapo mbo'u kupauo: Impo'undemo!

Ondae Ue Alaku Ira mokosompoo luwuno kineremiu montonda kaeaa ka maramba-Do ndi Ondae i Kerisituu Yesu.

Ka hapa anu impepaguruakonomo ka hapa anu imentarimaomo, ka hapa anu imerongeomo ka hapa anu imengkitaomo ndi ongkue, imeweweuomo atuu. Ka Ondae Ue Ala pu'uno rodoa Ira kumongkomi komiu.

Po'ineeomo domento'orio luwuno mia moikono aroamiu. Ondae i Ue umpeda Iramo!

Kuto'orio hapa atuu makura ka kuto'orio hapa atuu mare'ea. A luwuakoano ka a hapamo koa nahina te'asa anu gagi rahasia ndi ongkue; moiko mongkona mowohi, maupo mongkona mokoninggo, moiko mongkona mare'ea maupo mongkona makuraa.

Kupauo andio komba hangano makura, hangano mepaguru akumo mesompoo a luwuno teweweu.