Popular Bible Verses from Podoaa 14

Share

Polomo koa si me'ewai Ira i UE, ka si medoitoako ira tongku i wita atuu, hangano ta pingko tomentele ira. Anu kumadudui ira ibinta iramo, sekono ontae Dokadudui kita i UE, siimo doitoako ira.”

Ondae i UE atuu tedoa sabara ka hadio ntu'u pompehohawa-Do, Do'oninio sala ka pe'ewa, sine nahi Dopotolao mia anu sala inso a mpohukua. Ondae mombalo salano ama a luwuno anano, a inule ko'otolu ka ko'opaa.

Tewala Dopemoiko kita i UE, Ira koa wawa kita mpewinso i wita atuu ka meweengakono ndi ontae, asa wita anu hadio ntu'u susu ka siu hoanino.

Sine tetenaa-Ku i Kalebi, hangano me'aroa susua ka buke petondano ndi Ongkue, Aku wawao mewinso a wita anu umariomo ipewinsokio atuu ka inuleno ta me'ueo.

Pauako iramo: Hangano Ongkue anu tuwu, kanandiomo pau-Do i UE, mentee ntu'u kana anu pinaumiu i aro-Ku, kanandiomo Aku weweuo ndi omiu.

Pau-Do i UE ndi Musa, ”Hawe te'ipia mbo'u domentata Aku tongku andio ka hawe te'ipia mbo'u nahi domebehe mpompe'ala-ala ndi Ongkue, maupo hinaomo luwuno anu kinohali-haliako anu Kuweweuo i tonga-tongado!

Luwudo to Isaraeli mpewuruki ndi Musa ka ndi Haruni ka luwuno bawaa atuu mpotaeako ira, ”Ha, ba kimematemo koa i wita Masiri ke i pada one andio!

Sine i Yosua anano i Nuni ka i Kalebi anano i Yepune anu tewinso a luwuno mia anu mempadasoomo wita atuu berio sangkado, ka dopotae a luwuno bawaa Isaraeli, ”Wita anu linalo mami mempadasoo atuu tedoa ntu'u tekosi.

Butumo koa, hangano Ongkue anu tuwu ka hangano maramba-Do i UE anu buke asa wawo ntolino, luwuno mia anu kumitaomo maramba-Ku ka luwuno anu kinohali-haliako anu Kuweweuo i Masiri ka i pada one, sine pempulumo dome'ara-arahako Aku ka nahi domebehe merongeo pau-Ku, manasa nahi ta kumitao wita anu Kudandiakono sumpa ndi uempu'udo! Luwuno anu tumata Aku andio nahi ta kumitao.