Popular Bible Verses from I MARAKUSU 12

Share

Sumangki Ira i Yesu, ”Songka anu lalua onaemo: Rongeomo, hei to Isaraeli, Ondae Ue Alato, Ondae Ue Ala atuu asa-asa-Do. Pehohawa Iramo i Ue, Ue Alamu, tompaano aroamu ka tompaano sumangamu ka tompaano pinewowolomu anu molino ka tompaano rosomu. Ka songka anu ko'orua onaemo: Pehohawaomo pe'asa miamu kana koroimu. Nahina songka susua anu lalua inso a orua songka andio.”

Onaemo ka Dopoboi ira ana guru-Do ka Dopotaeako ira, ”Kupauakomiu, menteeano tuwu beine mongkokolaro andio mompowee hadioopo sekono luwuno mia anu mpowinso doi a laro burua ponaapa pesomba. Hangano luwudo mpompowee inso a mare'edo, sine tuwu beine andio mompowee inso a makurano, luwuno anu hina ndi onae, onaemo luwuno pepotuwuno.”

Pohona Ondae i Yesu mentoro umo'aroo burua ponaapa pesomba ka kumikita ira mia hadio kana'umpe dompowinso doi a laro burua atuu. Hadio mia kaea mpompowee hadio. Ka i'amba haweomo aasa tuwu beine anu mongkokolaro ka iwinsoo orua peseree, onaemo aasa doi.

Lano mehohawa Ira tompaano aroa ka tompaano ponto'ori ka tompaano roso, ka mehohawao mbo'u pe'asa mia kana koroito ontaeto laluaopo langkai sekonopo luwuno pesomba tinunu ka pesomba sinumbele.”

Ka Do'amba i Yesu motaeako ira, ”Weeako iramo Datu hapa anu asalakono imeweeako ira Datu ka weeako Iramo Ue Ala hapa anu asalakono imeweeako Ira Ue Ala!” Mengkohali-hali ira ntu'u rumonge Ira.