Popular Bible Verses from I MATIU 5

Share

Kanandio koa mbo'u mia nahi pompokomelanga hulu ka i'amba numaao a ntoto ganta, tendeano a wawo karuno hulu ka iwantahio luwuno mia a laro raha atuu. Ka ikanandiomo mewinemiu mewanta i arodo mia, ka domengkitao wineweumiu anu moiko ka dompelangkai Ira Amamiu anu i suruga.”

Omiumo mewineno tolino. Kota anu kongko a wawo ntorukuno nahi ta tewuni.

Me'uraomo mia anu mempori aroado, hangano ira mengkita Ira Ue Ala.

Me'uraomo mia anu mokoninggo ka mokorangaako menteea, hangano ira mempinokoteende.

Sine Kupauakomiu: Pehohawa iramo iwalimiu ka pekakaiako ira anu bobarasai komiu.

”Me'uraomo mia memongkokolaro i aro-Do Ue Ala, hangano ondaemo anu mpe'umbuo Poparentaa Nsuruga.

Me'uraomo mia anu mowawa sintuwua, hangano ira menineeako ana-Do Ue Ala.

Me'uraomo mia mompemasusa, hangano ira mentinarero.

Me'uraomo mia anu binobarasai hangano menteea, hangano ondae anu mpe'umbuo Poparentaa Suruga.

Me'uraomo mia anu me'aroa, hangano ira mpohawe pe'aroaa.

Meme'ura komiumo, ba hangano Ongkue ka imentinata ka binobarasai ka imempinosebeako luwuno anu mosa'o. Impo'unde ka memawongkomo, hangano tambomiu langkai i suruga, hangano kanandio koa mbo'u dontebobarasai luwuno nabi anu mpese'elungi komiu.”

Me'uraomo mia anu molusa aroado, hangano ira mpe'umbuo tolino.

”Omiumo ohiano tolino. Tewala ohia atuu moteweomo, hapamoke ipinokomopa'iako? Nami hina mbo'u tuduno tendeano tinadi ka domelandao mia.

Onaemo pu'uno asalakono ka imemempori, mengkena kana mempori Amamiu anu i suruga.”

Tewala mentee, asalakono impotae: mentee, tewala naahi, asalakono impotae: naahi. Hapa anu lalo umarino atuu te'inso ndi mosa'o.

Imerongeomo pau-Do i Ue: Mata me'eu mata ka ngisi me'eu ngisi. Sine Kupauakomiu: Si me'ewaio mia anu moweweu mosa'o ndi omiu, tendeano isemamo koa anu pedeo kombisi koanamiu, weeakono mbo'u kombisi manggalimiu.

Ka tewala mata ngkoanamu mokontesaako, gogoiomo ka tadio atuu, hangano moikoopo ndi omue ba itetadi asa inso a sangka koroimu, sekonopo asa ngkoroimu pinetadiako a laro naraka. Ka tewala kae ngkoanamu mokontesaako, totopiomo ka tadiomo atuu, hangano moikoopo ndi omue ba itetadi asa sangka koroimu sekonopo asa ngkoroimu mewinso naraka.