Popular Bible Verses from I MATIU 13

Share

Anu rinawo a wita anu moiko onaemo mia anu rumongeo pau atuu ka mokonto'orio, ka hangano atuu ka ipewua, hinao anu meluka asa etu, hinao anu meluka nomo pulu, hinao anu meluka tolu pulu.”

Anu rinawo a laro ewo rui onaemo mia anu rumongeo pau atuu, ka i'amba sala-larono wawontolino andio ka pompopo'oono kaeaa humidio pau atuu ranta nahi pewua.

A sompo mia anu rumongeo pau mongkona Poparentaa Suruga, sine nahi pokonto'orio, haweomo i mosa'o ka irontuo anu rinawo i laro aroano mia atuu; onaemo inii anu rinawo a wiwi nsala.

Inii anu rinawo a wita anu melaro watu onaemo mia anu rumongeo pau atuu ka ronga itarimao saru mawongko aroano. Sine nahi pehaka ka sarai koa ntu'u ipo'ia. Ba hawe pompokonsiia ke pobobarasaia hangano pau atuu, mia mbo'u atuu ronga monsuka.

”Mongkona Poparentaa Suruga atuu pinotundaako kana arataa anu tetano a lere, anu hinaweno mia, ka i'amba wali tumanoo. Hangano po'undeno lumakoomo umasao luwuno arataano ka i'amba umolio lere atuu.

Ka asa ntia tedonta a wita anu moiko ka ipewua; hinao anu meluka asa etu, hinao meluka nomo pulu, hinao meluka tolu pulu.

Po'ineeomo ka dotuwu meronga-ronga hawe tempo sumowi. I tempo atuu Aku mepau a luwuno anu mensowi: Imepumpuomo se'elu lee atuu ka imewutuomo nte'o'asa nte'u ka isinongko; ka i'amba mepumpuomo gandu atuu mewinsoo a laro nsi'eku.”